Ragʻbat — taraqqiyot garovi

Har bir sohaning taraqqiy topishida fidoyi, jonkuyar xodimlarning oʻrni munosib hisoblanadi. Ayniqsa, ularning mehnatlarini eʼtiborga olish, ragʻbatlantirib borish koʻzlangan maqsadni samarali amalga oshirishga xizmat qiladi.

“Adolat” SDP tomonidan partiya faoliyatida hamda mamlakatimiz rivoji uchun tinimsiz mehnat qilib kelayotgan partiya faollarini hamda hamkor tashkilot vakillarini “Adolat” koʻkrak nishoni, “Partiya faoliyatidagi alohida xizmatlari uchun” esdalik nishoni va bir qator diplomi va tashakkurnomalarning taqdim etilishi partiyaning omma orasidagi nufuzini tobora oshib borishida ahamiyatli boʻlmoqda.

Bugun turli soha vakillaridan iborat boʻlgan partiyaning deputatlari partiya Siyosiy Kengashning tashakkurnomasi bilan taqdirlandilar.

Kamtarona mehnatimizni eʼtiborga olib, partiyaning tashakkurnomasi bilan taqdirlanganimiz, kelgusi faoliyatimizni yanada jadallashtirishga undagani bilan bir qatorda zimmamizga ulkan masʼuliyat yukladi, — deydi Bogʻot tuman Kengashi raisi, deputat Qahramon Rahimov. — Bildirilgan ishonchni hamjihatlikda marrani baland olib, partiyani taniluvchanligini yanada oshirishga erishamiz.

Bir soʻz bilan aytganda, qayerda eʼtibor va eʼzoz tuygʻulari mustahkam boʻlsa shu joyda oʻsish, yuksalish va rivojlanish barqaror boʻladi.

Zamira Abdullaeva,

“Adolat” SDP Xorazm viloyat Kengashi matbuot kotibi