Ragʻbat tashabbusga boshladi

Yakunlangan 2022-yil “Adolat” SDP faoliyatini rivojlantirishda oʻziga xos iz qoldirdi. Partiya loyihalari asosida joylarda amalga oshirilgan ishlar xotin-qizlarning faolligini oshirish, ularning jamiyatdagi oʻrnini mustahkamlash va yoshlar siyosati yoʻlidagi islohotlar samaradorligiga xizmat qildi.

Yuqoridagilardan kelib chiqib, ayni shu yoʻnalishda ish yuritayotgan bir guruh partiyadoshlarimiz Siyosiy Kengash tomonidan “Tashakkurnoma” bilan taqdirlandi. Ular orasida andijonlik partiya faollari ham bor. Viloyat partiya kengashida ularni taqdirlash tadbiri boʻlib oʻtdi.

Dilfuza Ahmedova, “Adolat” SDP Izboskan tuman kengashi raisi:

-Ochigʻi, yutuqlarimiz koʻp boʻlishiga qaramay faoliyatimizdan toʻla qoniqmayman. “Adolat” nomi tumanimizning har bir nuqtasida dadil tilga olinishi kerak. Shunda yetakchi siyosiy partiyaga aylandik, deb hisoblaymiz. 2022-yilda Izboskanda oʻz oʻrnimizni mustahkamlaganimizdan mamnunman. Faoliyatimizga Siyosiy Kengash tomonidan berilgan baho bizni yanada tashabbuskorlikka undaydi. Amaldagi yilda faolligimiz bilan bunga munosib javob beramiz.

Tadbir yakunida taqdirlanganlar yangi rejalar, yangi loyihalar ustida samarali ish olib borishga kelishib oldilar.

“Adolat” SDP Andijon viloyat kengashi
Matbuot xizmati.