Rahbar kadrlarning mahalla faoliyatida hafta davomida “Mahalla beshligi” ishtirokida olib borilayotgan ishlarini samaradorligini oshirish

Bugungi kunda har bir mutaxassis oʻziga tegishli huquqiy yoʻnalishlarni mukammal bilmogʻi lozim boʻlib hisoblanadi. Oʻzbekiston Respublikasining Konstitutsiyasiga ham bir nazar tashlaydigan boʻlsak unda barcha fuqarolarga tegishli qonun doirasida inson huquqlarini himoya qilib boriladigan koʻplab muhim vazifalar, majburiyatlar, shu bilan birga ijtimoiy-iqtisodiy, tibbiy koʻmakka muhtoj boʻlganlar tomonidan murojaatlar oʻz vaqtida aniqlanib, ijobiy tarzda yordamlar koʻrsatilishi ham bugungi kunning muhim va dolzarb vazifalaridan biridir.

Umuman olganda har bir fuqaro oʻz oldiga kuygan vazifalarni jonbozlik, Vatanga sodiqlik va fidoiylik kabi xislatlarini namoyon etib borishi lozim. Bugungi kunda malakali mutaxassislar ayniqsa, rahbar kadrlar tomonidan Davlat siyosati darajasiga koʻtarilgan, inson taqdiriga samarali taʼsir koʻrsatilishi muhim boʻlgan amaliy ishlarimizni eng yuksak darajada boʻlishini taʼminlashimiz lozim va muhimdir.

Buxoro shahar Varaxsha MFY hududida 2023 yil 10 oktyabr kuni “Adolat” Sotsial demokratik partiyasi Buxoro shahar Kengashi raisi, Xalq deputatlari shahar Kengashi deputati A.Axmedov ishtirokida “Mahalla beshligi” ishtirokida hafta davomida bajariladigan ishlar: Jumladan hududda “Obod koʻcha, obod xonadon, obod mahalla” konsepsiyasi asosida ishlarni tashkil qilish, mahalla hududida obodonlashtirish, koʻkalamzorlashtirish, tozalash ishlari boʻyicha bajarilgan ishlar oʻz joyida aniqlab olindi.

Shuningdek, deputat A.Ahmedov hamda mahalla “Beshligi” ishtirokida mahalladagi xonadonlarni oʻrganilib chiqib, “Temir daftar”, “Ayollar daftari”, “Yoshlar daftari” hamda ijtimoiy reyestrga kiritilgan fuqarolarni oilaviy holatini, turmush sharoitini yaqindan bilish va imkon darajasida birinchi koʻrsatilgan va koʻrsatiladigan yordamlar chora-tadbirlarini ishlab chiqish yuzasidan olib boriladigan ish jarayonlari, mahalla profilaktika inspektori R.Javodov bilan birgalikda ijtimoiy ogʻir oilalar bilan manzilli ravishda ishlab, mahallani jinoyatchilikdan xoli hududga aylantirish hamda migratsiyada yurgan fuqarolarni VATANGA qaytarish boʻyicha tushuntirish ishlarini olib borish kelishib olindi.

“Adolat” SDP Buxoro shahar Kengashining “Ayollar qanoti” raisi, partiya faoli,   Varaxsha MFY xotin-qizlar faoli Gulnora Kenjayeva ishtirokida notinch, farzand tarbiyasiga befarq ota-onalar ishtirokida profilaktik ishlar olib borish, oilalarda ajrimlarni oldini olish, oilaviy munosabatlarni mustahkamlash masalalari va ajrimlarni keskin kamaytirish boʻyicha tizimli ishlarni bajarish yuzasidan ishlar olib borilishi rejalashtirildi.

Shundan soʻng, qolgan mahalla “Beshlik”larining qilinadigan ishlarning haftalik rejasi kelishib olindi va ular bilan hafta davomida xonadonlarga chiqish belgilandi.

Mohigul Rahimqulova

“Adolat” SDP Buxoro viloyat Kengashi matbuot kotibi.