Referendum faollikka  chorlamoqda

Yangilanayotgan Konstitutsiyamizda inson erki, qadr-qimmati asos qilib olindi. Jumladan, aholi kafolatlangan bepul tibbiy xizmatlardan foydalanishi ham loyihaga kiritilgan. Umuman, loyihada aholi salomatligini asrash bilan bogʻliq normalar 4 barobar koʻpaytirilmoqda. Bu aholi sogʻligʻini ishonchli muhofaza etish hamda onalar va bolalar oʻlimi, yuqumli kasalliklar tahdidini bartaraf etishda juda muhim ahamiyatga egadir.

Nogironligi boʻlgan shaxslarni davlat tomonidan qoʻllab-quvvatlashni nazarda tutuvchi qoidalar yanada takomillashtirildi. Xususan, davlat nogironligi boʻlgan shaxslarning ijtimoiy, iqtisodiy hamda madaniy sohalar obyektlari va xizmatlaridan toʻlaqonli foydalanishi uchun shart-sharoit yaratishi, ularning ishga joylashishiga, taʼlim olishiga koʻmaklashishi, zarur axborotni toʻsqinliksiz olish imkoniyatini taʼminlashi mustahkamlandi. Mana shu masalalar asos qilib olingan navbatdagi targʻibot tadbiri Viloyat tibbiyot birlashmasi hamda Ishtixon tuman tibbiyot birlashmasi maʼsullari bilan hamkorlikda tumandagi Yangikent, Bóston va Zarband oilaviy shifokorlik punktlarida yangi tahrirdagi Konstitutsiya loyihasini keng jamoatchilikka tarģib etish ishlari olib borildi. Bundan tashqari tumandagi 22-24 umumtaʼlim maktablarida ham ushbu tadbir bólib ótdi.

Tadbirlar davomida, yigʻilish ishtirokchilari tomonidan berilgan savollarga mutasaddilar tegishli javoblar berishdi. Tadbir soʻngida soha egalari Bosh qomusimizga kiritilayotgan bunday meʼyorlardan minnatdor ekanliklarini bildirib, boʻlishi rejalashtirilayotgan referendumga faol ishtirok etishga barchani chorlab qolishdi.

Mutallib Rahimov,

“Adolat”SDP Ishtixon tuman Kengashi raisi.