Respublika ishchi guruhi Xonqa tumanida tadbirkorlar muammolarini o‘rgandi

Yangi O‘zbekistonning Taraqqiyot strategiyasida belgilangan milliy iqtisodiyotni jadal rivojlantirish va yuqori o‘sish surʼatlarini taʼminlashda mamlakatimizga kiritilayotgan invetitsiya muhitini yana-da yaxshilash va ularni o‘zlashtirishda samarali mexanizmlarni ishga solish va tarmoq korxonalarni faoliyatini rivojlantirishning o‘rni katta.

Ayni shu yo‘nalishda Ishchi guruh Xorazm viloyati Xonqa tumanidagi  investitsiyalarni jalb etish, sanoat va tadbirkorlikni rivojlantirish borasidagi olib borilayotgan ishlar bilan yaqindan tanishdi.

Qonunchilik palatasi spikeri o‘rinbosari  Z.Ibragimova boshchiligidagi ishchi guruh vakillari dastlab tuman mutasaddilari bilan muloqot olib bordilar.

Unda tuman hokimi Murodbek Davlatov tashabbuskor tadbirkorlarning yangi loyihalari hamda ularning bugungi kundagi muammolari haqida axborot berib o‘tdi. Shundan so‘ng ishchi guruh vakillari “XONQA CHORVA KAPITAL” MCHJ tomonidan amalga oshirilayotgan yangi loyihalar bilan yaqindan tanishdilar. Ushbu manzilda jami qiymati 30 milliard so‘m bo‘lgan 3 ta yangi loyiha faoliyati yo‘lga qo‘yilgan bo‘lib, 10 turdagi sut va sut mahsulotlari, un hamda omuxta yem ishlab chiqarilmoqda. Muloqot davomida yosh tadbirkorning navbatdagi yirik loyihasi ham muhokama etilib, ishchi guruh rahbari Z.Ibragimova tomonidan tegishli tavsiyalar berildi.

Navbatdagi manzil xalqimizga ko‘p yillardan buyon xizmat qilib kelayotgan “XONQA BILLUR SALT” xususiy korxonasi bo‘ldi. Tadbirkor bilan bo‘lgan suhbat korxona faoliyatini kengaytirish, qo‘shimcha yangi loyihalarni hayotga tatbiq etish va eng asosiysi yangidan ishchi o‘rinlarini yaratish bo‘yicha bo‘ldi.

Shuni alohida taʼkidlash kerakki, bugungi kunda ushbu korxona mahsulotlarning asosiy qismi eksport qilinadi va 10 turdan ziyod oziq-ovqat mahsulotlari bilan ichki bozorni ham taʼminlab keladi 

Ayni kunlarda korxona faoliyatini kengaytirish maqsadida yangidan chet el texnologiyalari asosida ekstra tuz ishlab chiqarish loyihasi yo‘lga qo‘yilgan bo‘lib, hozirda qurilish taʼmirlash ishlari olib borilmoqda.

O‘rganish yakunida ishchi guruh vakillari tomonidan tadbirkorlarning mavjud muammoli masalalari yuzasidan takliflar hamda vazifalar belgilab olindi.