Romitanda fuqarolarning siyosiy bilimlari oshirilmoqda

Oʻzbekiston “Adolat” SDP Romitan tuman Kengashi raisi Raxmatillo Hayitov, Xalq deputatlari Romitan Kengashi deputati Laylo Avezovalar tomonidan tumanda joylashgan 2-son MTMda partiyaning “Siyosiy huquqiy bilimlarni oshirish – demokratik jamiyat poydevori” loyihasi doirasida maktabgacha taʼlim muassasasi xodimlari ishtirokida uchrashuv oʻtkazildi.

Uchrashuv davomida tuman Kengashi raisi muassasa xodimlariga partiyamizning ustavi, loyihalari haqida tushuncha berish bilan birga, davlatimizning 2022-2026-yillarga moʻljallangan “Taraqqiyot strategiyasi” mazmun-mohiyati toʻgʻrisida atroflicha tushunchalar berib oʻtdi. Shu bilan birgalikda yangi qonunlar, qarorlar va farmonlarning mazmun-mohiyati, xotin-qizlarga yaratilgan imkoniyatlar, hafta davomida mamlakatimizda va dunyoda roʻy berayotgan ijtimoiy-siyosiy jarayonlar va muhim ijtimoiy-siyosiy voqealar haqida ham maʼlumotlar berildi.

Shu bilan birgalikda siyosiy oʻquvda yigʻilganlarga ayollar jinoyatchiligi va huquqbuzarliklarini oldini olish, huquqiy madaniyatni yuksaltirish orqali kuchli immunitet yaratish maqsad qilib olingani hamda ushbu tadbir ana shu jihatdan benihoya ahamiyatli ekanligi taʼkidlandi. Mamlakatimizda yaratilayotgan imkoniyatlar, shart-sharoitlar, amalga oshirilayotgan islohotlarning barchasi eng avvalo inson qadri uchun ekanligi qayd etildi.

Siyosiy oʻquv davomida barcha ishtirokchilarning qiziqtirgan savollariga deputat Laylo Avezova tomonidan batafsil javoblar qaytarildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.