“Salomatlik sayillari”

Oʻzbekiston “Adolat” SDP Urgut tuman Kengashi hamda Urgut tuman tibbiyot birlashmasi hamkorligida aholining keng qatlamlariga koʻrsatiladigan tibbiy yordam sifatini, tibbiy madaniyatini oshirish, fuqarolar salomatligini mustahkamlash maqsadida “Aqlli tibbiyot” tizimi shakllantirish maqsadida   “Salomatlik sayillari” aksiyasi oʻtkazildi. “Salomatlik sayillari” aksiyasi doirasida oʻtkaziladigan Respublika ixtisoslashtirilgan markazlarining mutaxassislari tomondan chuqurlashtirilgan tibbiy koʻriklar 2023-yil 25-aprel kuni Urgut tuman tibbiyot birlashmasi markaziy poliklinikasida boʻlib oʻtdi. Bunda SSV va viloyat SSBdan 24 turdagi mutaxassislar ishtirokida “Chuqurlashtirilgan tibbiy koʻrik” boʻlib oʻtdi.

Oʻzbekiston Respublikasi Prezidentining Oliy Majlis va Oʻzbekiston xalqiga Murojaatnomasida 2023-yilda “Toʻgʻri ovqatlanish va sogʻlom turmush tarzi” umummilliy harakati yoʻlga qoʻyilishi vazifalari belgilandi.Bunda mahalliy mahsulotlar turlaridan kelib chiqib, aholining yosh guruhlariga mos keladigan va salomatlik holatidan kelib chiqib xar bir xavf guruhiga alohida-alohida sogʻlom ovqatlanishga qaratilgan tavsiyalarni berish koʻzda tutilgan. Bundan maqsad aholining toʻgʻri ovqatlanish xarakteriga ega boʻlishiga nosogʻlom turmush tarzida hayot kechirishiga xamda notoʻgʻri ovqatlanish bilan bogʻliq kasalliklarning oldini olishga erishiladi.

Yurtboshimiz tashabbusini amalga oshirish maqsadida tibbiyot xodimlari tomonidan mahalla guzarlarida, aholi koʻp toʻplanadigan manzillar (bozor, supermarket, xiyobon, park, saylgoh, korxona va tashkilot) larda “Sogʻlom ovqatlanish yarmarkasi”ni oʻtkazish orqali aholiga toʻgʻri ovqatlanish tamoyillari haqida maʼlumotlar berish yoʻlga qoʻyildi.Urgut tumanida “Sogʻlom ovqatlanish yarmarkasi tashkillashtirildi Ushbu tadbirda aholi orasida toʻgʻri ovqatlanishga odatlantirish uchun: shartli ravishda 3 xil rangdagi (svetofor ranglariga oʻxshagan stollar ajratilib, aholiga oziq-ovqat mahsulotlari) toʻgʻri maʼlumotlar berilgan holda koʻrgazmali namoyishlar tashkillashtirildi:

1. Qizil isteʼmoli tavsiya etilmaydigan
2. Sariq-cheklangan miqdorda isteʼmol qilish mumkin boʻladigan
3. Yashil isteʼmoli mumkin boʻlgan sogʻlom oziq-ovqatlar keltirilgan

Bu tadbirda tibbiyot xodimlari tomonidan xar bir stoldagi oziq-ovqat mahsulotlarining ahamiyati, ularning organizmga foydali yoki zararli taʼsiri haqida maʼlumotlar berilmoqda. Tadbirda aholiga ASTTKK va JFO markazi tomonidan tayyorlangan tarqatma materiallar infografik eslatmalar, bukletlar va qoʻllanmalar berilmoqda.Tadbir aholiga sogʻlom ovqatlanish va sogʻlom turmush tarzi boʻyicha foydali tavsiyalar koʻrgazmali ravishda aks ettirilgan plakat va bannerlar qoʻyilgan holda davom etdi.

Zamira Abduraxmonova,

“Adolat” SDP Urgut tuman Kengashi raisi.