Salomatlik targʻiboti – xotirjamlik kafolati

Tibbiyot fanlari nomzodi, rossiyalik klinik psixolog Denis Dolgovning keltirgan maʼlumotlariga koʻra, issiqda miya gipoksiya (kislorod etishmasligi), gipovolemiya (suyuqlik etishmasligi) va tuzlarning yoʻqolishi tufayli elektrolitlar buzilishidan aziyat chekadi, bu esa aqliy qobiliyatlarning pasayishiga, asabiylashishga olib kelar ekan.

“Adolat” SDP Qoʻqon shahar Kengashi tomonidan partiyaning “Sogʻlom turmush tarzi yoʻlida birlashaylik” loyihasi doirasida tibbiyot birlashmasiga qarashli 3-sonli oilaviy poliklinikasida faoliyat koʻrsatib kelayotgan malakali shifokor va hamshiralar ishtirokida davra suhbati tashkil etildi.Suhbat davomida aholi oʻrtasida yozning jazirama kunlarida toʻgʻri ovqatlanish, oʻta zaruriyat boʻlmasa vaqtni kunni soya salqinlarda oʻtkazish, yosh bolalarni esa oftob tigʻi ostida oʻynashiga yoʻl qoʻymaslik va oʻsmirlarni turli xil suv oqimlarida choʻmilishlarini oldini olish borasidagi targʻibot ishlarini doimiy olib borish zarurligi haqida fikrlashildi.

Mazmunli suhbat davomida oʻnlab tibbiyot xodimlari partiya safiga kirish istagini bildirdilar.

“Adolat”SDP

Farg’ona viloyat kengashi Matbuot xizmati.