Salomatlik yoʻlida birlashaylik!

Buxoro tuman tibbiyot birlashmasida “Salomatlik yoʻlida birlashaylik” loyihasi doirasida “Sogʻlom turmush tarzining hayotimizdagi oʻrni” mavzusida davra suhbati boʻlib oʻtdi.
Davra suhbatida “Adolat” SDP Buxoro tuman Kengashi raisi M.Gʻafurov va tibbiyot birlashmaning ishchi xodimlari ishtirok etishdi.
Uchrashuvda tuman Kengashi raisi soʻzga chiqib, sogʻlom turmush, sogʻlom ovqatlanish, sogʻlom muhit, reproduktiv salomatlik va zararli odatlardan yiroq boʻlish, shuningdek, aholi oʻrtasida sogʻlom hayotni targʻib etish masalalari kabi mavzularda oʻz fikr-mulohazalarini bildirib oʻtdi.
Tadbirdan koʻzlangan asosiy maqsad aholi oʻrtasida sogʻlom turmush tarzini yoʻlga qoʻyish. Shuningdek, sogʻlom turmush tarzi qoidalariga rioya qilish uchun nimalar qilish kerakligi, organizmni kasalliklardan himoyalash yoʻllari va tibbiy madaniyatni oshirish, bundan tashqari sogʻlom turmush tarzini tashkil qiluvchi beshta komponent — toʻgʻri ovqatlanish, shaxsiy gigiyena qoidalariga rioya qilish, faol harakat, zararli odatlardan voz kechishni aholi oʻrtasida tushunchalar berishga qaratilgan.
Uchrashuvda tibbiyot xodimlari ham faol ishtirok etib oʻzlarining fikr-mulohazalarini bildirib oʻtdilar.

Mohigul Rahimqulova,

“Adolat” SDP Buxoro viloyat Kengashi matbuot kotibi.