Salomatlik yoʻlida birlashaylik!

Kogon tuman “Xoʻjayakshanba” MFY da joylashgan 3- maktabida “Salomatlik yoʻlida birlashaylik” loyihasi doirasida “Sogʻlom turmush tarzining hayotimizdagi oʻrni”   mavzusida davra suhbati boʻlib oʻtdi.

Davra suhbatida “Adolat” SDP Kogon tuman Kengashi deputati Vasila Qodirova , “Xoʻjayakshanba” MFY fuqarolari va 3-maktabining ishchi xodimlari ishtirok etishdi.

Uchrashuvda tuman Kengashi deputati V.Qodirova soʻzga chiqib, sogʻlom turmush, sogʻlom ovqatlanish, sogʻlom muhit, reproduktiv salomatlik va zararli odatlardan yiroq boʻlish, shuningdek, aholi oʻrtasida sogʻlom hayotni targʻib etish masalalari kabi mavzularda oʻz fikr-mulohazalarini bildirib oʻtdi.

Deputat soʻngi kunlarda ovqatdan zaharlanish, botulizm kasalliklari yana qaytadan avj olayotganini ham taʼkidlab oʻtdi. Buni oldini olish maqsadida, maktab oshxonalarida sanitariya qoidalariga rioya etilish boʻyicha targʻibot-tashviqot ishlari oʻtkazildi va botulizm kasalligi boʻyicha tushunchalar berildi.

Tadbirdan koʻzlangan asosiy maqsad aholi oʻrtasida sogʻlom turmush tarzini yoʻlga qoʻyish. Shuningdek, sogʻlom turmush tarzi qoidalariga rioya qilish uchun nimalar qilish kerakligi, organizmni kasalliklardan himoyalash yoʻllari va tibbiy madaniyatni oshirish, bundan tashqari sogʻlom turmush tarzini tashkil qiluvchi beshta komponent — toʻgʻri ovqatlanish, shaxsiy gigiyena qoidalariga rioya qilish, faol harakat, zararli odatlardan voz kechishni aholi oʻrtasida tushunchalar berishga qaratilgan.

Uchrashuvda yigʻilganlar ham faol ishtirok etib oʻzlarining fikr-mulohazalarini bildirib oʻtdilar.

Mohigul Rahimqulova,

“Adolat” SDP Buxoro viloyat Kengashi matbuot kotibi.