Saxovatli ishlar koʻngillarda abadiy qoladi

Ayni kunlarda yurtimizda kuzatilayotgan anomal sovuq barchamizga turli noqulayliklar va qiyinchiliklarni yuzaga keltirmoqda. Ayniqsa, kuni bilan koʻchada ishlovchi Obodonlashtirish xodimlariga bu sovuq sezilarli darajada ziyon-zahmat yetkazgan boʻlsa, ne ajab.

Shu bois, Xalq deputatlari Uchtepa tuman Kengashi deputatlari hamda partiya faollari ishtirokida tuman Obodonlashtirish boʻlimi xodimlariga issiq choy, qahva hamda shirinliklar ulashildi.

Hurmatoy Esonova, tuman Obodonlashtirish boʻlimi xodimi:

— Bola-chaqamizni boqish uchun mehnatning aybi yoʻq degan mazmunda shu ishda ishlayapman. Shukrki, kam boʻlganimiz yoʻq. Oyligimiz oʻz vaqtida berilmoqda. Baʼzan mukofot pullari olamiz. Mana, bugun “Adolat” partiyasi faollari kelib, shu sovuqda jonimizga oro kiryapti. Baraka topishsin. Yurtimizga koʻz tegmasin!

Ushbu mehrni koʻrsatayotgan va qabul qilib olayotgan har ikki tomonning yuzidagi mamnuniyat va tabassumni koʻrish har qanday inson ruhiyatiga oʻzgacha hislarni baxsh etadi.

Qahraton bugun-erta chekinib qolar, lekin u tufayli koʻngillarga kirib kelgan samimiy iliqlik va birlik tuygʻusi yuraklarda abadiy qoladi.

“Adolat” SDP Toshkent shahar kengashi
Matbuot xizmati