Saylovga tayyorgarlik jarayonlar oʻrganilmoqda

Joriy yilning 9-iyul kuni Oʻzbekiston Respublikasi Prezidentligiga boʻlib oʻtadigan saylov jarayonlari boshlanganligi munosabati “Adolat” SDP Xorazm viloyat Kengashi raisi Taxir Palvanov partiyaning shahar va tuman Kengashlari ofisidagi yaratilgan shart-sharoitlar, saylovga doir va meʼyoriy hujjatlarning yuritilishi hamda boshqa tegishli masalalar yuzasidan oʻrganish ishlarini olib bormoqda.

Kengash raisining partiya Urganch tuman Kengashiga tashrifi ham ana shu maqsadlarni oʻz ichiga oldi.

Oʻrganish jarayonida partiya viloyat kengashi yetakchisi tuman Kengashi raisi Dildora Iskandarova bilan ijobiy ishlar bilan bir qatorda ish xonada mavjud kamchiliklar, faoliyatga toʻsiq boʻlayotgan muammolar xususida suhbatlashildi.

Partiya ofisi Xalq taʼlimi tuman boʻlimi binosida joylashgan boʻlib, partiya faoliyatni talab doirasida olib borish uchun zarur shart-sharoitlar yaratilgani, muammo va kamchiliklar partiya viloyat Kengashi tomonidan bartaraf etilgan.

Shundan soʻng T.Palvanov tumandagi 25-son   oilaviy poliklinika faoliyati va unda yaratilgan shart-sharoitlar bilan yaqindan tanishdi. Dori-darmonlarning sifati va taʼminlanganlik darajasi, bemorlar uchun yaratilgan sharoitlarni koʻzdan kechirdi.

Oʻrganish ishlari davom etmoqda.

                                                  Zamira Abdullayeva,

              “Adolat” SDP Xorazm viloyat Kengashi matbuot kotibi.