Sayyor qabulda keltirilgan barcha masalalar oʻz yechimini topdi

Inson manfaatlarini taʼminlash uchun avvalo, odamlar bilan, xalq bilan muloqot qilish, ularning hayotiy muammo va ehtiyojlarini yaxshi bilish alohida ahamiyat kasb etadi. Aholini ijtimoiy himoya qilish, yoshlar va ayollarga ijtimoiy, huquqiy yordam berish, ularni bilim va kasb oʻrganishga ishtiyoqi bor boʻlgan ishsiz yoshlar va xotin-qizlarni qoʻllab-quvvatlash maqsadida har bir mahalla, tuman, shahar va viloyat kesimida “Yoshlar daftari” va “Ayollar daftari” tashkil qilinganligi fikrimizning yaqqol dalilidir.

Samarqand tumanidagi “Qoʻshmachit” mahalla fuqarolar yigʻinida aynan yuqorida keltirilgan masalalar yuzasidan Xalq Deputatlari Samarqand viloyat Kengashi Oʻzbekiston “Adolat” SDP dan saylangan deputat Sanobar Mirsaidova, mahalla faollari hamda bir nechta tashkilotlar ishtirokida sayyor qabul tashkil etdi. Mahalla fuqarolari tomonidan keltirilgan muammo va takliflar, deputat tashabbusi bilan oʻrtaga tashlangan holda masʼul tashkilotlar tomonidan hal etildi.

Jumladan ushbu mahalla hududida joylashgan namunali uylardan birida istiqomat qiluvchi A. Hamidova tomonidan aytilgan muammo aynan suvoqova tashkilotiga tegishli boʻlib, ushbu namunali xonadonlar joylashgan hududdan ichimlik suv quvurlaridagi nosozliklar hamda hozirga qadar suvdan foydalanish katta qiyinchilik tugʻdirayotganligidan shikoyat qildi va ushbu masala qabulning oʻzidayoq suvoqova tashkiloti tomonidan bir yoki ikki kun oraligʻida hal etib berilishi aytildi. Shundan keyin ushbu mahalla fuqarolari Z.Azimov hamda H.Narziyevlar tomonidan yer masalalari aytib oʻtildi. Aynan fuqaro Z.Azimov tadbirkorlik bilan shugʻullanish maqsadida yer haydashga ishlatiladigan uskunani olishda, moddiy yordam soʻrab murojaat qildilar, shundan keyin ushbu masalalarga uchrashuvning oʻzidayoq deputat va masʼullar hamkorligida yechim topishga erishildi.

Gulnafisa Abdimurodova,

“Adolat”SDP Samarqand viloyat Kengashi

Matbuot xodimi.