Senator pedagog xodimlar bilan uchrashdi

Fargʻona viloyati Xalq taʼlimi xodimlarini qayta tayyorlash va ularni malakasini oshirish hududiy markazida Oʻzbekiston Respublikasi Oliy Majlisi Senati aʼzosi Manzura Salimova va pedagog xodimlar ishtirokida uchrashuv boʻlib oʻtdi.

Uchrashuvda senator tomonidan Oʻzbekiston Respublikasi Oliy Majlisi Senatining qirq beshinchi yalpi majlisida qabul qilingan qonunlar mazmun mohiyati, mazkur qonun hujjatlarining ahamiyati va muhim jihatlari haqida maʼlumotlar berildi.

Shuningdek, senator “Pedagogning maqomi toʻgʻrisida”gi hamda “Farmatsevtika faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida”gi qonunlarga alohida toʻxtalib oʻtdi.

Uchrashuv soʻngida ishtirokchilar tomonidan berilgan savollarga senator atroflicha javob berdi.

“Adolat” SDP
Fargʻona viloyat kengashi Matbuot xizmati.