Sheʼriyatga oshno qalblar beeʼtibor qoldirilmaydi

Buyuk allomalarimiz, ularning bizga qoldirgan durdona asarlari bugunga qadar yoshlarimiz qalbidan chuqur joy egallab kelmoqda.

Shu bois, milliyligimizni targʻib etadigan koʻplab tadbir va chellenjlar turli xil tashkilotlar tomonidan tashkillashtirilib kelinmoqda. 

Jumladan “Adolat” SDP tomonidan 9- fevral Buyuk alloma shoir Mir Alisher Navoiyning tavallud kunlari munosabati bilan tashkil etilgan chelenj ham ana shular qatoridandir. 

Ushbu chelenj Respublika miqyosida 31-yanvar kuni eʼlon qilingan edi. Ushbu tanlovda Samarqand viloyati Narpay tumani 17-umumiy oʻrta taʼlim maktabining 1-“A” sinf oʻquvchisi Islomova Sayyora Sobirovna ham ishtirok etib faxrli 2-oʻrinni egalladilar. 

Islomova Sayyoraxon Respublika fan Olimpiadasiga qatnashgani sabab, Toshkent shahriga ketganliklari uchun, gʻolibamizga “Adolat” SDP Markaziy apparati tomonidan taqdim etilgan esdalik sovgʻasi hamda partiyaning Narpay tumani Kengashi tomonidan taqdim etilgan Faxriy yorligʻi hamda badiiy kitoblar toʻplamini Sayyoraxonning ustoziga “Adolat” SDP Narpay tumani Kengash raisi Xoliqov Jahongir taqdim etdilar.

Gulnafisa Abdimurodova,
“Adolat” SDP Samarqand viloyat Kengashi
matbuot kotibi.