Shovotlik deputatimiz yana 160 nafar yoshlarni ish bilan taʼminladi

Mamlakatimizda yoshlarga keng imkoniyatlar yaratilib, ularning unib – oʻsishlari, jamiyatda munosib oʻrinlarga ega boʻlishlari uchun barcha shart-sharoitlar yaratilayotgani Yangi Oʻzbekistonimiz kelajagi uchun ulkan qadamlar hisoblanadi. Shu oʻrinda, partiyamiz faollari, deputatlari tomonidan yoshlar bandligi masalasiga chuqur eʼtibor qaratilib, ularni qiynayotgan muammolarni bartaraf etishni ustuvor vazifa sifatida qarab kelinmoqda.

Yoshlar bandligi masalasi shovotlik deputatimiz Xursand Ismoilovning doim diqqat markazidan joy olgan. Uning saʼy harakati bilan har yili tumanda faoliyat olib borayotgan, eng yirik korxonalardan biri “UZTEX GROUP” MCHJ qoʻshma korxonasiga 500 nafardan ziyod fuqarolarni ishga joylashtirib, ularning yashash sharoiti sifatini oshirishga munosib hissa qoʻshib kelmoqda. Deputatning saʼy harakatlari bilan kuni- kecha 2020-2023-yillardagi maktab bitiruvchilari hamda ishsiz aholini bandligini taʼminlash maqsadida, “UZTEX GROUP” MCHJ qoʻshma korxonasi Shovot filialining faoliyati bilan tanishish uchun ekskursiya tashkil etildi. Ekskursiya davomida korxona ishchilariga yaratilgan shart-sharoitlar, mehnatga munosib ish haqqi, mavjud ish oʻrinlar va boshqa imkoniyatlar toʻgʻrisidagi maʼlumotlar ishtirokchilarda katta qiziqish uygʻotdi.

Natijada, ishga kirish istagini bildirgan 160 nafar ishsiz fuqarolarning bandligi taʼminlandi.

                                                                                                  Zamira Abdullaeva,

                           “Adolat” SDP Xorazm viloyat Kengashi matbuot kotibi.