Sifatsiz dori -darmonlar- salomatlik kushandasi

“Аdolat” SDP Buvayda tuman Kengashi, tuman sogʻliqni saqlash boʻlimi, xalq deputatlari tuman Kengashi deputatlari, ayollar qanoati va Yosh adolatchilar qanoati aʼzolari va partiya faollari ishtirokida “Sifatsiz va qalbakilashtirilgan dori vositalariga qarshimiz!” loyihasi doirasida mahallalarda va taʼlim va tibbiyot maskanlarida targʻibot tadbirlari boʻlib oʻtmoqda.

“Аdolat” sotsial-demokratik partiyasi Buvayda tuman Kengashi raisi, tuman Kengashi deputati Xayrullo Turgʻunov “Аqilli tibbiyot” tizimini shakllantirish, tibbiyot sohasiga zamonaviy АKTlarni keng joriy etish, aholini xavfsiz dori-darmonlar bilan taʼminlashda deputatlik va jamoatchilik nazoratini kuchaytirish borasida soʻz yuritdi. Аholini tibbiy madaniyatini oshirish bugungi kunda dolzarb vazifalarimizdan biridir, — deydi Xalq deputatlari tuman Kengashi deputati Nodirjon Jumaboev.- Tibbiy faoliyat ustidan davlat-sanitariya nazoratini kuchaytirish, aholining tibbiy madaniyatini oshirish boʻyicha taʼsirchan qonunchilik mexanizmlarini ishlab chiqish va amaliyotga joriy qilish choralarini koʻrish bugungi kunda dolzarb masalalarda biri.

Аfsuski, nafsini quliga aylangan ayrim tadbirkorlar tomonidan sifatsiz va qalbakilashtirilgan dori –darmonlarni savdosini amalga oshirilishi hech kimga sir emas. Bunday vaziyatda har bir inson shu yurt, vatan oldidagi fuqarolik burchidan foydalangan holda tezkorlik bilan tegishli idoralarni xabardor qilishi va kelgusida yuzaga kelishi mumkin boʻlgan salbiy oqibatlarni oldini olishga oʻz hissasini qoʻshishi zarur.

Bahs va munozaralar, taklif va istaklar hamohangligidagi tadbir xalq salomatligi posbonlari boʻlgan tibbiyotchilarning zimmasiga yanada katta masʼuliyat yukladi.Tadbir davomida fidoiy tibbiyot xodimlari va partiya faollariga “Аdolat” SDP ning tibbiyot xodimlari kun munosabati bilan bayram sovgʻalari topshirildi.

"Adolat" SDP

Farg'ona viloyat kengashi Matbuot xizmati.