Sifatsiz dori salomatligingizga ziyon

Aholining tibbiy madaniyatini oshirish andijonlik “adolatchilar” eʼtiborida. Bu bejiz emas. Ayrimlar oʻz salomatligi borasida loqaydligi va mutaxassislardan bamaslahat yoʻl tutishi sabab kasallikka yoʻl ochib beradi. Shu oʻrinda dori vositalaridan notoʻgʻri foydalanish yanada tashvishlanarli.

Kezi kelganda partiyadoshlarimiz sifatsiz va qalbaki dori vositalari savdosiga qarshi kurashayotgani bejiz emas. Partiyaning Jalaquduq tuman kengashi faollaridan iborat ishchi guruhi aʼzolarining tumandagi tibbiyot muassasalari va dorixonalarga yurishi ayni shu maqsadga qaratildi. Jamoatchilik va tibbiyot xodimlari orasida dori vositalaridan qanday foydalanish xususida suhbatlar tashkil etildi. Bemorlarga yoʻllanma berishda soha xodimlarining masʼuliyati oshirildi.

“Adolat-xavfsiz dori-darmon uchun” shiori ostida Gʻayrat MFYdagi Teshiktosh oilaviy shifokorlik punktidagi ijtimoiy dorixonada boʻlgan “adolatchilar” savdodagi dori vositalarini oʻrgandilar. Ularning sifati va narxiga eʼtibor qaratildi. Dorixona mudiri M. Ahmedova bemorlarga shifokor retseptisiz dori berilmasligi, har bir dori vositasining ishonchliligi doimiy nazoratda ekanligini bildirdi.

“Adolat” SDP Andijon viloyat kengashi

Matbuot xizmati.