Sifatsiz dori vositalari ham deputat nazaridan chetda emas

Yurtimiz tinchligi va xavfsizligi, fuqarolarning osoyishta va farovon hayoti uchun masʼul huquqni muhofaza qilish idoralari tomonidan aholi salomatligiga raxna soluvchi, sifati kafolatlanmagan dori-darmon vositalarini yurtimizga noqonuniy olib kirish holatlariga qarshi samarali kurash chora-tadbirlari koʻrilmoqda.

“Adolat” SDP Toyloq tuman Kengashi deputati Toirov Abduhamit tomonidan partiyaning “Sifatsiz va qalbakilashtirilgan dori vositalariga qarshimiz!” loyihasi doirasida tuman markazida faoliyat yuritayotgan dorixonalar faoliyati bilan yaqindan tanishib chiqdi. Oʻrganishlar natijasida bugungi kunda tumanda faoliyat yuritayotgan dorixonalarda, hech qanday hujjatsiz yoki muddati oʻtgan dori vositalari yoʻqligi aniqlandi.

Bundan koʻrinib turiptiki, davlatimiz tomonidan qabul qilinayotgan aynan sogʻliqni saqlash tizimidagi yangilangan qaror va normalar oʻzining samarali natijalarini koʻrsatib kelmoqda.

Martaba Quvvatova,

Xalq deputatlari Tayloq tuman Kengashi deputati.