“Siyosiy-huquqiy bilimlarni mustahkamlash – demokratik jamiyat poydevori”

Oʻzbekiston “Adolat” SDP Qorakoʻl tuman Kengashi raisi Nuriddin Ochilov tashabbusi bilan “Qorakoʻl”, “Regihaydar”, “Tojikent” MFY “Siyosiy-huquqiy bilimlarni mustahkamlash – demokratik jamiyat poydevori” loyihasi doirasida siyosiy oʻquv tashkil etildi. Tadbirdan asosiy maqsad har bir fuqaroning, ayniqsa, ayollarning jamiyatdagi oʻrni va rolini oshirish, ularning siyosiy qarashlarini shakllantirishdan iboratdir. Davra suhbatida soʻz olganlar siyosiy jarayonlarda ayollarning faolligiga eʼtibor qaratildi. Ayniqsa, tuman miqyosida ayol deputatlar sonini oshirish, ularning siyosiy savodxonligini taʼminlash, har sohada faol boʻlishi masalalari yuzasidan fikr bildirildi. Shuningdek, ular orasida jinoyatchilikni oldini olish, bandligini taʼminlash borasida ham gapirib oʻtildi.

-Bugungi kun ayoli har tomonlama mukammal va hammaga oʻrnak boʻlishi lozim. Bugun tashkil etilgan tadbirdan asosiy maqsad ham ularning siyosiy qarashlarini shakllantirish barobarida, huquqiy madaniyatini oshirish va faolligini yanada mustahkamroq taʼminlashdan iboratdir. Bu borada partiya hamkorligida joylarda olib borilayotgan targʻibot tadbirlarimizdan asosiy maqsad ham shunda, — deydi tuman Kengashi raisi Nuriddin Ochilov.

Tadbir davomida har bir ayolning jamiyatda, oilada alohida oʻrni borligi, unga har jabhada yangilik yaratishi maqsadida imkoniyatlar berilayotganligi, siyosiy jarayonlarda faol ishtirok etishda imkon topishi zarurligi qayd etildi. Yigʻilganlar oʻzlarining bu haqidagi fikr va mulohazalarini bildirishdi.

Mohigul Rahimqulova,

“Adolat” SDP Buxoro viloyat Kengashi matbuot kotibi.