Siyosiy oʻquv-fuqarolar faolligini oshirmoqda

Oʻzbekiston “Adolat” SDP Shofirkon tuman Kengashi tomonidan partiyaning “Siyosiy-huquqiy bilimlarni mustahkamlash-demokratik jamiyat poydevori” loyihasi doirasida “Qalmoqon” MFYda siyosiy oʻquv boʻlib oʻtdi.

Uchrashuvda “Adolat” SDP Shofirkon tuman Kengashi raisi N. Berdiyeva, “Qalmoqon” MFY xotin-qizlar faoli, Xalq deputatlari Shofirkon tuman Kengashi deputati Z.Ashurova hamda mazkur mahallaning xotin-qizlari ishtirok etishdi.

Tadbirdan koʻzlangan asosiy maqsad har bir fuqarolarning siyosiy jarayonlarda faolligini taʼminlash, qabul qilingan soʻnggi qaror va farmonlar mohiyati bilan yaqindan tanishtirishdan iboratdir.

Siyosiy oʻquvda soʻzga chiqqanlar tomonidan bugungi yangilanish va oʻzgarishlar davrida amalga oshirilayotgan muhim vazifalar xususida toʻxtalib, mamlakatimiz taraqqiyoti yoʻlida amalga oshirilayotgan ishlarda faol boʻlgan holda yurt taqdiriga daxldorlik hissida yashashga chaqirildi.

Siyosiy oʻquv maʼlumotlarga hamda taklif va tavsiyalarga boy boʻlganligi bilan nihoyatda ahamiyatli boʻldi. Fuqarolarning qiziqtirgan savollariga partiya faollari tomonidan batafsil javoblar qaytarildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.