Soʻxdan xushxabar — qishloqlarga suv keldi

Soʻx tumanda bir talabchan deputat bor. Uning ismini eshitishingiz bilan siz ham taniysiz. Tuman Kengashiga “Adolat” SDPdan saylangan deputat Subhonali Nishonov. Tinib –tinchimasligi, oʻrni kelganda xalq manfaati yoʻlida kurashdan toymaydigan bu insonni jasoratiga tahsin ham aytgingiz keladi. “Adolat” SDP deputatlik guruhi bilan hamkorlikda hududda amalga oshirilishi lozim boʻlgan obodonlashtirish ishlari, kam taʼminlangan, ehtiyojmand oilalilarning ijtimoiy himoyasi, yoshlar va xotin-qizlarning bandligini taʼminlash kabi qator masalalarning birortasi deputat eʼtiboridan chetda qolmaydi. Xalq bizga ishonibdimi, uni oqlashimiz kerak,- deydi fidoyi deputat.

Soʻx tumanini toza ichimlik suvi bilan taʼminlashdagi masalalar yuzasidan qilingan murojaatlardan soʻng, bir qator chora-tadbirlar belgilab olindi. Natijada tuman aholisini toza ichimlik suvi bilan taʼminlash ishlari jadallik bilan olib borilmoqda. “Xushyor”, “Sebzor”, “Qaqir” MFYlardagi koʻchalarda istiqomat qiluvchi aholi vakillari xonadonlariga toza ichimlik suvi keltirilganidan cheksiz xursand.

“Hazrati Ali” va “Saribozorcha” MFYlarning markaziy koʻchalaridagi suv quduqlariga maxsus qopqoqlar oʻrnatilib, obodonlashtirish ishlari amalga oshirilmoqda. Har bir mahalla, har bir koʻchalar Yangi Oʻzbekistonning obod manzillariga aylanib borayotgani mamlakatimizda amalga oshirilayotgan islohotlar jarayonida adolatchi deputatlarning faol ishtiroki va saʼy-harakatlarining natijasidir.

“Adolat” CDP

Fargʻona viloyat kengashi Matbuot xizmati.