Sogʻlom shifokor sogʻlom hayot uchun kurashadi

“Adolat” SDP Andijon tuman kengashi aʼzolari orasida tibbiyot xodimlari koʻpchilikni tashkil etadi. Partiyaning “Salomatlik yoʻlida birlashaylik!” loyihasi doirasida sezilarli ishlarni amalga oshirayotgan safdoshlarimiz salomatlik yoʻlida jamoatchilikka namuna boʻlmoqda.
Tibbiyot xodimlari ishtirokida ayni shu maqsadda tashkil etilgan “Sport bilan salomatlik sari” deya nomlangan tadbir oʻziga xos bayramga aylandi. “Sogʻlom hayot uchun 5000 qadam” shiori ostidagi ommaviy yurish turli sport musobaqalariga ulandi. Sportga oshno shifokorlar oʻzlarining chaqqonligi, sogʻlom va barkamolliklarini koʻrsatdilar.

Zarifaxon Yoqubova, shifokor:
-Aholi salomatligini taʼminlash uchun avvalo shifokorning oʻzi sogʻlom boʻlishi kerak. Biz uchun sport doʻstga aylangan. Kunni sport mashgʻulotlari bilan boshlaymiz. Fuqaro orasida targʻibot ishlarini olib borishda ham bunga alohida eʼtibor qaratilmoqda. Tadbir MFYga ham koʻchdi.

“Adolat” SDP Andijon viloyat kengashi
Matbuot xizmati.