Sogʻlom shifokor sogʻlom jamiyatni yaratadi

Jamiyatda sogʻlom turmush tarzini yaratish, fuqarolarning tibbiy madaniyatini yuksaltirish “Adolat” SDPning asosiy vazifalaridan biri. Shundan kelib chiqib andijonlik partiyadoshlarimiz bu borada “Sogʻlom turmush tarzi yoʻlida birlashaylik” loyihasi doirasida sezilarli ishlarni amalga oshirmoqda. Partiyaning Andijon viloyat kengashi safidagi tibbiyotchi-adolatchilar tashabbusi bilan Andijon davlat tibbiyot institutida tashkil etilgan salomatlik tadbiri ayni shu maqsadga qaratildi.

Shifokor sogʻlom boʻlsa aholi sogʻlom boʻladi. Shu sabab mazkur institutdagi BPT aʼzolari boʻlgʻusi tibbiyot xodimlarining salomatligiga eʼtibor qaratdilar. Talabalar tibbiy koʻrikdan oʻtish bilan birga sogʻlom turmush tarziga qaratilgan maʼruzalar bilan tanishtirildi. Inson salomatligi bebaho boylik ekanligi tushuntirildi.

Maloxatxon Musayeva, “Adolat” SDP Andijon viloyat kengashi raisi oʻrinbosari:

-Safimizda shifokorlar koʻpchilikni tashkil etadi. Jumladan, birinchi bosqich talabalarining 30 nafari safimizga qoʻshildi. Bugungi tadbirning asosiy ishtirokchilari ham ana shu yoshlar. Eʼtiborlisi bugun 93 nafar xorijlik talabalar ham tibbiy koʻrikdan oʻtkazildi. Ularning   15 nafari safimizdagi volontyorlar bilan jamoatchilik orasida sogʻlom turmush tarzini targʻib qilishga qaror qildi.

Tadbir yakunida ishtirokchilarga “Adolat” SDP Andijon viloyat kengashi tomonidan tayyorlangan   bukletlar tarqatildi.

“Adolat” SDP Andijon viloyat kengashi

Matbuot xizmati.