“Strategiya – 2030”ni amalga oshirishda “Adolat” SDP Chirchiq shahar Kengashining ishtiroki”

“Adolat” SDP Chirchiq shahar Kengashi partiya faollari uchun “Strategiya – 2030”ni amalga oshirishda “Adolat” SDP Chirchiq shahar Kengashining ishtiroki” mavzusida seminar tashkil etildi. Uning ishida xalq deputatlari Chirchiq shahar Kengashidagi partiya deputatlik guruhi aʼzolari, shahar partiya Kengashi aʼzolari va partiya faollari ishtirok etdilar.

Seminar ishida 2023-yil 19-sentyabr kuni Nyu-York shahridagi Birlashgan Millatlar Tashkiloti bosh qarorgohida BMT Bosh Assambleyasi 78-sessiyasida Oʻzbekiston Respublikasi Prezidenti Shavkat Mirziyoyev nutqida ilgari surilgan tashabbuslar tahlil qilindi, shuningdek xalqimizning erkin va farovon, qudratli Yangi Oʻzbekistonni barpo etish boʻyicha xohish-irodasini roʻyobga chiqarish, har bir fuqaroga oʻz salohiyatini rivojlantirish uchun barcha imkoniyatlarni yaratish, sogʻlom, bilimli va maʼnaviy barkamol avlodni tarbiyalash, global ishlab chiqarishning muhim boʻgʻiniga aylangan kuchli iqtisodiyotni shakllantirish, adolat, qonun ustuvorligi, xavfsizlik va barqarorlikni kafolatli taʼminlash maqsadida qabul qilingan “Oʻzbekiston — 2030” Strategiyasi koʻrib chiqilib, unda ilgari surilgan vazifalar ijrosini taʼminlashda partiya tashkilotining vazifalari boʻyicha muhokamalar tashkil etildi.

Partiya faollari ishtirokida ishlab chiqilgan takliflarni partiya Kengashi Ijroiya Qoʻmitasiga kiritish va qabul qilish belgilab olindi.

Shuningdek, seminarda Sotsial-demokratiya mafkurasi mazmun-mohiyatini saylovchilarga yetkazish va shahar aholisi oʻrtasida targʻibot ishlarini kuchaytirish haqidagi masala koʻrib chiqildi.

Seminar konstruktiv ruhda oʻtdi.

“Adolat” SDP

Toshkent viloyat kengashi Matbuot xizmati.