Strategiya bilan tayanch maktablariga

“Oʻzbekiston-2030” strategiyasi aytish mumkinki, yangi Oʻzbekistonni yanada rivojlantirish, taraqqiyot odimlarini toʻgʻri tanlashning asosiga aylanmoqda. Unda bugungi kunda oldinda turgan eng dolzarb vazifalar qamrab olingan. Birgina har bir insonga oʻz salohiyatini roʻyobga chiqarishi uchun munosib sharoitlar yaratish alohida koʻzda tutilgani eʼtiborli.

Yoshlar siyosatiga ham mazkur hujjatda dolzarb vazifalardan biri sifatida qaralmoqda. Uning 2023-yilga moʻljallangan amaliy tadbirlar rejasida umumiy oʻrta taʼlim massalarida yuqori sinf oʻquvchilarining qobiliyati va tanlovi asosida taʼlim jarayonlarini tashkil etish vazifasi belgilangan. Bu ayni vaqtda masalaning qanchalik dolzarb ahamiyatga ega ekanligini koʻrsatadi. Shundan kelib chiqib “Adolat” SDP Andijon tuman kengash faollari taʼlim muassasalarida bu borada olib borilayotgan ishlarni jamoatchilik nazorati tartibida oʻrganmoqda.

Jumladan, partiya faollaridan iborat ishchi guruhi aʼzolari tumandagi 45-maktabda Tayanch oʻquv dasturi asosida amalga oshirilayotgan ishlarni oʻrgandilar. Dastur asosida 10–sinfda 32 nafar oʻquvchi taʼlim olmoqda. Kimyo-biologiya fanlari chuqurlashtirilgan holda tajribali oʻqituvchilar tomonidan oʻqitilmoqda. Buning uchun kerakli adabiyotlar bilan taʼminlangan, laboratoriya xonasi mavjud.

M.Xayitova, 45-maktab direktori:

-Tayanch oʻquv dasturlari oʻquvchilarga murakkablik tugʻdirmaydi. Asosan oliy toifali oʻqituvchilar biriktirilgani ham ijobiy samara beradi. Darslarda sifat masalasi eʼtiborda. Bu tajriba oʻquvchilarni kelgusida bilimli va komil insonlar boʻlib ulgʻayishiga yoʻl ochadi. Andijondagi boshqa tayanch maktablarida ham yuqoridagi kabi oʻrganish ishlari olib borilyapti.

“Adolat” SDP Andijon viloyati kengashi  Matbuot xizmati.