Surunkali va xavfli kasalliklarning oldi olindi

Oʻzbekiston “Adolat” SDP Xorazm viloyat Kengashi hamda Respublika ixtisoslashtirilgan onkologiya va radiologiya ilmiy — amaliy tibbiyot markazi Xorazm filiali hamkorligida   Yangiariq tumanidagi “Chaqir” mahallasida yoshlar, kattalar hamda keksalar orasida tibbiy koʻrik tashkil etildi.

Tibbiy koʻrik davomida 200 nafardan ziyod fuqarolar Ultratovush tekshiruvi, ginekolog, terapevt va boshqa yoʻnalishdagi shifokorlar, mobil mammograf yordamida 45 yoshdan yuqori boʻlgan ayollar tibbiy koʻrikdan oʻtkazildi

Lola Karimova, RIO va RIATM Xorazm filiali rentgen laboranti:

Bugungi tibbiy koʻrigimiz davomida juda ham aholi gavjum boʻldi. Tekshiruvdan oʻtkazilgan har bir ayolning tekshiruv natijalarini aniqlash uchun barcha maʼlumotlar Respublika ixtisoslashtirilgan onkologiya va radiologiya ilmiy- amaliy tibbiyot markaziga yetkaziladi va bir haftadan soʻng tekshiruv natijalari maʼlum boʻladi. Mazkur mobil mammograf ayollarda eng mayda hajmdagi endi paydo boʻlayotgan oʻsimtani aniqlash imkonini beradi.

Tibbiy koʻrik davomida bolalar orasida aniqlangan kamqonlik, raxit kasalliklari boʻyicha, filial shifokori Sanʼat Quryazov tomonidan muolaja uchun tegishli tavsiyalar berildi,   kistozgaymarit kasalliklari aniqlangan bolalarga esa tegishli mutaxassislar tekshiruvidan toʻliq oʻtish uchun yoʻllanma berildi. Keksa yoshdagi fuqarolarda aniqlangan gipertoniya, yurak ishemik, orqa miya churrasi kabi kasallikka chalingan fuqarolarga tegishli tavsiyalar berildi.

Ultratovush tekshiruvi shifokori Manzura Seytmitovaning taʼkidlashicha, tekshiruvdan oʻtgan ayollar orasida koʻkrak, tuxumdon kistalari, oʻt toshi kasalliklari, bachadon miomasi aniqlangan ayollarga   viloyat onkologiya markaziga toʻliq tekshiruvdan oʻtishlari uchun yoʻllanma berildi. Operatsiyadan soʻng qorin churralari aniqlangan fuqarolarga xirurg koʻrigi tavsiya etildi.

Filialning ginekolog shifokori Dilnoza Yusupova tekshiruvidan oʻtgan ayollar orasida qoʻshimcha sut bezi, sut bezi oʻsmalari aniqlandi va viloyat onkologiya markaziga toʻliq tekshiruvdan oʻtkazish uchun yoʻllanma berildi.

Shifokorlar tomonidan har olti oydan muntazam tibbiy koʻrikdan oʻtish, sogʻliqlariga eʼtiborli boʻlish, sogʻliq inson hayotida birlamchi ekani toʻgʻrisidagi fikr va mulohazalari yigʻilganlar diqqat markazidan joy oldi.

 Saodat Xayitboyeva, tibbiy koʻrik ishtirokchisi:

Uy – roʻzgʻor tashvishlari bilan boʻlib, sogʻligʻimga eʼtibor bera olmayotganim sababli, tekshiruvdan oʻtganimda koʻkrak bezi katta kistasi aniqlandi.   Bugun har birimizni salomatligimizni oʻzimizdan ham qattiqroq qaygʻurib, eshigimiz oldigacha shifokorlar, tibbiyot apparatlarining olib kelinganidan boshimiz osmonga yetdi. Shifokorlarning tavsiyalari, murojaatlarini eshitib, ularning jonkuyarligini koʻrib, bundan buyon sogʻligʻimizni har narsadan ustun qoʻyishni maqsad qildik.

Bir soʻz bilan aytganda, xalqimiz salomatligi yoʻlida tinim bilmay xizmat qilayotgan, oʻz oldidagi burch va vazifalarini sidqidildan ado etayotgan onkologlar jamoasi tomonidan amalga oshirilayotgan bu kabi hamkorlikdagi saʼy harakatlar fuqarolarimizni sogʻlom hayotida tinch va farovon yashashlarini taʼminlashiga shubha yoʻq.

Shuningdek, tibbiy koʻrik davomida filial direktori, partiya Xorazm viloyat Kengashi raisi, deputat Tohir Palvanov shu mahallada istiqomat qilayotgan, bemor Karimboy Bobojanovni holidan xabar olish uchun xonadoniga tashrif buyurdi. K.Bobojanov bilan suhbatlashib, sifatli muolajalarni olishida amaliy yordam berishini bildirdi.

Vohamizda bu kabi tibbiy koʻriklar davom etadi.

                                                                                            Zamira Abdullaeva,

   “Adolat” SDP Xorazm viloyat Kengash, RIO va RIATM,

                                                                              Xorazm filiali matbuot kotibi.