“Taʼlimda korrupsiyaga yoʻl bermaymiz!”

Fargʻona shahrida joylashgan 2-son Fargʻona Abu Ali ibn Sino nomidagi jamoat salomatligi texnikumida “Taʼlimda korrupsiyaga yoʻl bermaymiz!” mavzusida oʻquvchilar bilan uchrashuv oʻtkazildi.

Tadbirda “Adolat” SDP Fargʻona viloyat Kengashi raisi, Korrupsiyaga qarshi kurashish Fargʻona viloyati hududiy Kengashi aʼzosi Shaxnozaxon Gʻaniyeva, Xalq deputatlari Fargʻona shahar Kengashi deputati, Taʼlim, sogʻliqni saqlash, madaniyat, sport va ijtimoiy himoya masalalari boʻyicha doimiy komissiyasi aʼzosi Bunyod Ahmadaliyev, Jinoyat ishlari boʻyicha Fargʻona shahar sudining sudyasi Abrorjon Akramovlar ishtirok etdilar.

Soʻzga chiqqanlar aholining barcha qatlamlari orasida, ayniqsa, yoshlarda korrupsiyaga qarshi murosasiz kurash madaniyatini kuchaytirish, korrupsiya bilan kurashish nafaqat davlat organlari va huquqni muhofaza etish tuzilmalarining vazifasi, balki butun jamiyatning burchi ekanligini taʼkidlab oʻtdilar.

“Adolat” SDP

Farg’ona viloyat kengashi Matbuot xizmati.