“Taʼlimda korrupsiyaga yo’l qoʻymaymiz”

Partiya loyihasi doirasida “Adolat” SDP Fargʻona viloyat Kengashi va shahar tuman Kengashlari raislari, partiya faollari tomonidan maktablarda 2022-2023- oʻquv yilining tugashi arafasida targʻibot tadbirlari kuchaytirildi. Hech kimga sir emas, har yili oliy va oʻrta maxsus taʼlimga oʻqishga hujjat topshirish jarayonlarida firibgarlar korrupsion holatlarni yuzaga keltirishga intilishi va ularni qarmogʻiga ilingan soddadil insonlarni peshona teri evazga jamgʻargan mablagʻlarini sarob boʻlishiga zamin yaraladi. Bu esa yoshlarni kelajakka boʻlgan ishonchiga ham soya tashlashi ehtimoldan holi emas. Bu kabi salbiy holatlarni oldini olish uchun ham har sohada ilm-u -maʼrifatni qadrlagan holda maqsadga erishishning shaffof yoʻllari tushuntirib borilyapti. “Adolat” SDP Oʻzbekiston tuman Kengashi raisi M. Hamidova tumandagi eng faol boshlangʻich partiya tashkiloti tarkib topgan 36-maktabda boʻlib   ana shu dolzarb mavzusida davra suhbati oʻtkazdi.Tadbir soʻnggida namunali BPT rahbari X. Ubaydullaevga partiyaning tashakkurnomasi va esdalik sovgʻalari topshirildi.

“Adolat” SDP

Farg’ona viloyat kengashi Matbuot xizmati.