Tadbir Konstitutsiyaviy islohotlar mazmun va mohiyati targʻibotiga bagʻishlandi

Respublika ixtisoslashtirilgan Onkologiya va radiologiya ilmiy- amaliy tibbiyot markazi Xorazm filialida “Adolat”SDP Xorazm viloyat Kengashi tomonidan “Konstitutsiyaviy islohotlar mazmun-mohiyati” mavzusida targʻibot tadbiri boʻlib oʻtdi. Tadbirga partiya faollari, deputatlar, BPT raislari ishtirok etishdi. Tadbirni partiya viloyat Kengashi raisi Tohir Palvanov kirish soʻzi bilan ochib berdi. Unda mamlakatimizda tarixiy voqealikka ega boʻlgan siyosiy jarayon Bosh Qomusimizga kiritilayotgan oʻzgarish va qoʻshimchalar toʻgʻrisida soʻz yuritdi. Viloyat Kengashi raisi oʻrinbosari Ulugʻbek Quryazov Konstitutsiya yangilanishiga sabab zaruriyatlar, Konstitutsiya Xalq konstitutsiyasi ekani va boshqa mavzularda slaydlar va bir qator hayotiy misollar orqali ishtirokchilarga batafsil maʼlumotlar berib oʻtdi.

Tadbir savol-javoblarga boy tarzda tashkil etildi. Ishtirokchilarning konstitutsiyaviy bilim va koʻnikmalari yanada mustahkamlandi.

Bu esa oʻz navbatida konstitutsiyaviy islohotlarni omma orasida keng koʻlamda targʻibot qilishda va xalqimizni konstitutsiyaviy faolligini oshirishda xizmat qilishi bilan ahamiyatlidir.

Zamira Abdullaeva,

“Adolat” SDP Xorazm viloyat Kengashi matbuot kotibi.