Tadbir sifatsiz   va   qalbakilashtirilgan dori vositalarining oldini olishga qaratildi

“Adolat” sotsial-demokratik partiyasi Xorazm viloyat Kengashi tomonidan Xonqa tuman tibbiyot birlashmasida partiyaning “Sifatsiz va qalbakilashtirilgan dori vositalariga qarshimiz!” loyihasi doirasida davra suhbati tashkil etildi.

Tadbirga partiya faollari, deputatlari, sogʻliqni saqlash hamda ommaviy axborot vositalari vakillari ishtirok etishdi.

Tadbirda taʼkidlanganidek, tibbiy faoliyat ustidan davlat-sanitariya nazoratini kuchaytirish, shuningdek, dorilarni vrach retsepti asosida berilishini yoʻlga qoʻyish hamda dorilar reklamasini cheklashga qaratilgan qonunlarni qabul qilish tashabbusi bilan chiqish partiyaning ustuvor vazifalardan sanalib, “Aqlli tibbiyot” tizimini shakllantirish, tibbiyot sohasiga zamonaviy AKTlarni keng joriy etish, aholini xavfsiz dori-darmonlar bilan taʼminlash, ushbu yoʻnalishda deputatlik va jamoatchilik nazoratini kuchaytirish, aholining tibbiy madaniyatini oshirish boʻyicha taʼsirchan qonunchilik mexanizmlarini ishlab chiqish va amaliyotga joriy qilish choralarini koʻrish ilgari surilgan.

Aholini ijtimoiy ahamiyatga ega, yuqori samarali xavfsiz dori-darmon va tibbiy vositalar bilan arzon narxlarda taʼminlash, qalbakilashtirilgan va sifatsiz dori-darmonlarning noqonuniy aylanmasiga chek qoʻyish, nafaqat hayotiy zarur medikamentlar aylanmasi va sifatli, balki chakana savdoga tashuvchi barcha dorilar ustidan qatʼiy davlat va jamoatchilik nazoratini kuchaytirish kabi fikr va mulohazalar, takliflar ishtirokchilarning diqqat markazidan joy oldi.

Sifatsiz va qalbakilashtirilgan dori vositalarining inson salomatligiga nojoʻya va xavfli taʼsiri, dori vositalarining narxini barqarorlashtirish va sifatini taʼminlash eng muhim masala ekani yuzasidan fikr va mulohazalar almashildi.

Guliston Bekchanova, patronaj hamshira:

-Keyingi yillarda aholi salomatligiga putur yetkazadigan sifatsiz va qalbaki dori vositalarining aylanmasi tez-tez uchrayotgani, bemorlarni qoʻshimcha aziyat chekishiga olib kelmoqda. Boʻlib oʻtgan davra suhbati davomida juda oʻrinli fikrlar almashildi. Bemorlarga retsept yozib berish jarayonida shifokorlar juda ham ehtiyotkorona ish tutishlari muhimdir.     Tadbirda ilgari surilgan masala juda oʻrinli boʻldi va biz tibbiyot xodimlari zimmasiga yanada kuchliroq masʼuliyat yukladi.                                                                

Ishtirokchilar oʻzlari qiziqqan savollarga soha mutaxassislari tomonidan atroflicha javoblar olishdi.

                                                                              Zamira Abdullayeva,

                  “Adolat” SDPьXorazm viloyat Kengashi matbuot kotibi.