Tadbir tuproqqalʼalik yoshlarni vatanparvarlik tuygʻularini oshirishga xizmat qildi

“Adolat” SDP tashabbusi bilan hayotga tatbiq etib kelinayotgan “Vatan kelajagi yoshlar qoʻlida” loyihasi doirasida olib borilayotgan ishlar yoshlarning sadoqatli, komil insonlar boʻlib yetishlarida xizmat qilib kelayotgani bilan bir qatorda ularning isteʼdod va iqtidorlarini yuzaga chiqarishda ahamiyati katta boʻlmoqda. Kuni kecha partiyaning Xorazm viloyat Kengashi hamda Oʻzbekiston “VETERAN” jangchi faxriylar va nogironlari viloyat boʻlimi bilan hamkorlikda mazkur loyiha doirasida tumandagi 21- sonli umum oʻrta taʼlim maktabida tashkil etilgan maʼnaviy-marifiy tadbir ham ana shu maqsadlarni ijrosini taʼminlashda xizmat qildi.

Tadbirga partiya faollari, deputatlari, jangchi — fahriylar hamda mazkur maktabning faxriy hamda faoliyat olib borayotgan oʻqituvchilar, yuqori sinf oʻquvchilari hamda OAVlar ishtirok ishtirok etishdi. Tadbirda soʻzga chiqqanlar tomonidan mamlakatimizda yoshlar uchun yaratilayotgan imkoniyatlar va sharoitlar, qaratilayotgan eʼtibor toʻgʻrisida hayotiy misollar bilan atroflicha tushunchalar berildi. Partiyaning saylovoldi dasturida ilgari surilgan yoshlarga oid asosiy masalalar, iqtidorli yoshlarni qoʻllab-quvvatlash maqsadida olib borilayotgan ishlar ishtirokchilarning diqqat markazidan joy oldi.

Yangilanayotgan Konstitutsiya toʻgʻrisidagi qayd etilgan fikr va mulohazalar, eʼtiroflar hamda atroflicha berilgan maʼlumotlar ishtirokchilarni Bosh Qomusimizga boʻlgan qiziqishini yanada kuchaytirib yubordi. Afgʻoniston janggohlarida oʻz yigitlik burchini ado etgan jangchi-fahriylarning janggohlarda boshidan kechirgan ogʻir kunlari toʻgʻrisidagi voqealar, tinch va osoyishta hayotimizni qadriga yetib, tinchligimizni koʻz qarochigʻiday asrashga qaratilgan chorlovlari yoshlar qalbida Vatanga boʻlgan mehr – oqibat tuygʻularini yanada mustahkamladi. Ijodkor shoira, partiyaning viloyat Kengashi matbuot kotibi Zamira Abdullayevaning “Farzandimga”, “Vatan” “Ustozga ehtirom” kabi sheʼrlari tadbirga koʻtarinkilik bagʻishladi.

Viktorina savollariga javoblari bilan faol ishtirok etgan oʻquvchilarga kitoblar sovgʻa qilindi. Oʻquvchilar qiziqqan savollariga faollar tomonidan batafsil javoblar berildi.

Rustam Boltaev,

“Adolat” SDP Urganch shahar Kengashi raisi,

“VETERAN” jangchi-faxriy va nogironlari Xorazm viloyat

boʻlimi raisi, deputatlik guruhi rahbari.