Tadbirkorlikni rivojlantirish davr talabi

Mamlakatimiz taraqqiyoti va xalqimiz farovonligi taʼminlashning eng samarali yoʻli bu tadbirkorlikni qoʻllab quvvatlash ekanini hayotning oʻzi koʻrsatmoqda.Kichik biznes va xususiy tadbirkorlik iqtisodiyotni rivojlantirishda,aholi bandligi va daromadlarini oshirishda muhim omildir.

Xususan Prezident Shavkat Mirziyoyev tadbirkorlar bilan bu yilgi ochiq muloqoti “Tadbirkorlik faoliyatini kengaytirish va yangi loyihalarni amalga oshirish uchun yanada qulay sharoitlar yaratish, tadbirkorlikni rivojlantirishga toʻsiq boʻlayotgan muammolarni bartaraf etish boʻyicha muhim tashabbuslarni” ilgari surildi.

“Adolat” SDP Sirdaryo viloyat Kengashi raisi oʻrinbosari B.Abdullaev,Xalq deputatlari viloyat Kengashi deputati S.Elmurodov,bosh mutaxassis A.Usmonovlar hamrohligida Sirdaryo tumanida joylashgan “Neo cotton tex”ishlab chiqarish korxonasida boʻlishdi.  

Korxona paypoq ishlab chiqarishga ixtisoslashgan boʻlib, tadbirkor A.Isoqov Mikrokredit bankdan 173 ming dollar krediti evaziga, Xitoy davlatidan 39 dona paypoq toʻqish dastgohlarini olib kelib oʻrnatganligini, hozirda korxonada 25 ta yangi ish oʻrni yaratilganligini taʼkidlab oʻtdi. Korxona ishchilariga bepul issiq ovqat va 2 mln-5 mln gacha oylik berilishini ,hozirda tayyor mahsulotlar Rossiya davlatiga eksport qilinishi,toʻliq quvvat bilan ishlaganda yana 20 nafar ishchi ishlashi mumkinligi toʻgʻrisida maʼlumot berib oʻtdi.

Korxona ishchilari yaratilgan sharoitlardan mamnunligi,ishsiz xotin qizlar ish bilan band boʻlganini takidlashdi.Oʻz navbatida tadbirkor tomonidan deputatga korxonaga elektr energiyasi muhimligi,kuz–qish mavsumida elektr uzilishlarini oldini olish yuzasidan murojaat qilindi.Tadbirkorga partiya tomonidan esdalik sovgʻalari topshirilib, kelgusida tuman Kengashi bilan hamkorlik qilishga,tadbirkorlik ishlariga muvaffaqiyat bildirildi.  

“Adolat” SDP Sirdaryo viloyat kengashi Matbuot xizmati.