Takliflar oʻz samarasini bermoqda

Prezidentimiz tomonidan mamlakatimizda 2023-yilni “Insonga eʼtibor va sifatli taʼlim yili”, deb nomlanishi butun taʼlim sohasida faoliyat olib borayotgan barcha pedagoglar qatori oʻquvchi-yoshlarimizni ham koʻngillarini gʻururga toʻldirdi desak, mubolagʻa boʻlmaydi. Shunday ekan bugun mamlakatimizdagi har bir maktabda oʻquvchi yoshlarning bilim, yaʼni sifatli taʼlim olishlari uchun, barcha sharoitlar mavjud boʻlmogʻi darkordir. Zero, inson boshlangʻich ilmlarni eng avvalo, maktab davridan oladi. 

Shu maqsadda kuni kecha Oliy Majlis Qonunchilik palatasi deputati Yelena Aleksandrovna Kompolshik Samarqand shahrida boʻlib, hududdagi maktablarda oʻquvchilar uchun yaratilgan barcha shart-sharoitlar bilan yaqindan tanishdi.

Deputat har bir maktabga kirar ekan deputat, eng avvalo, maktablarning oshxonalari, ulardagi sharoitlar, bolalar uchun qay darajada sifatli va kerakli mahsulotlarning borligi bilan qiziqdi. Chunki har bir oʻquvchi sogʻlom boʻlishi, uning oʻqishi davomida nima isteʼmol qilishi hamda qanday mahsulotlar bilan oziqlanayotgani kelgusida qay darajada maktab bilimlarini egallab oʻz kasbining mutaxassisi boʻlishini belgilaydi. Shu sababdan ham Davlatimiz rahbari Oliy Majlisga va Oʻzbekiston xalqiga yoʻllagan Murojaatnomasi orqali 2023-yildan barcha Respublika maktab oshxonalarida, boshlangʻich taʼlim oʻquvchilari uchun, bepul ovqatlanish tizimini yoʻlga qoʻyish borasida aniq vazifalarni mutasaddilar oldiga qoʻydi.

Bu albatta, biz “adolatchilar” uchun juda quvonchli xabar. Sababi Oʻzbekiston “Adolat” SDP oʻz saylovoldi dasturida umumtaʼlim maktablarida boshlangʻich sinf oʻquvchilarini issiq ovqat bilan taʼminlash, ularni sogʻlom ovqatlantirishni tizimli yoʻlga qoʻyish borasidagi ilgari surgan bir qator takliflarimiz asta-sekinlik bilan amaliyotga joriy etilmoqda. Deputat Y.Aleksandrovna ham ushbu masalalar yuzasidan 35-,45-,37-sonli umumtaʼlim maktablarining oshxonalari hamda tibbiyot xonalarida boʻlib, barcha sharoitlarni oʻrganmoqda.

Obid Xoʻjayev,

Oliy Majlis Qonunchilik palatasi deputati yordamchisi