Takomillashgan Konstitutsiya – mustahkam himoya  

“Adolat” SDP Romitan tuman Kengashi tomonidan tumandagi “Sho’rcha” MFYda  “Takomillashgan Konstitutsiya-mustahkam himoya”  mavzusida tadbir bo’lib o’tdi.

Tadbirda O'zbekiston “Adolat” SDP Romitan tuman Kengashi deputati O.Islamova, “Adolat” SDP Romitan tuman Kengashi raisi R.Hayitov, Xalq deputatlari tuman   Kengashi deputati O.Ismatov va mahalla faollari ishtirok etishdi.

  O'zbekiston “Adolat” SDP Romitan tuman Kengashi raisi R.Hayitov tadbirni o'zining kirish so'zi bilan ochib berdi va quyidagicha ma'ruza qildi: -“Mamlakatimizda olib borilayotgan keng qamrovli islohotlarda, qabul qilinayotgan qonun va qonunosti hujjatlarda inson sha'ni, e'tiqod erkinligi va qadr-qimmatini hurmat qilish, uning huquq va erkinliklarini eng oliy qadriyat sifatida e'tirof etish g'oyasi o'z erkinliklari, kafolatlarini ta'minlashga qaratilgani e'tiborga molikdir”.

Shundan so’ng, mahalliy Kengash deputati O.Islamova ham so’zga chiqib, -“Asosiy qomusimiz O'zbekiston fuqarosini millati, irqi va dinidan qat'iy nazar teng huquqli deb biladi, shuningdek ularning vijdon erkinligi, urf-odatlari, milliy mentalitetiga mos keladigan ishonch -e'tiqod, adl-u insof, diyonat, mehr-u oqibat, or- nomus, kabi ezgu fazilatlar o'z aksini topgan. Konstitutsiyamiz asosida mamlakatimizda milliy qadriyatlar sohasida amalga oshirilayotgan keng ko'lamli o'zgarishlar, erishilgan muvoffaqiyatlar Bosh Qomusimizning vatanimiz hayoti va taraqqiyotidagi o'rin va ahamiyatini yaqqol ko'rsatib turgani”ni ta’kidlab o’tdi.

O'zbekiston Respublikasi Konstitutsiyasining yangi tahririga kiritilgan o'zgartirishlarning barchasi xalqimiz tomonidan olingan takliflar bo'lib, 30- aprel kuni bo'lib o'tadigan referendumda qabul qilinadigan konstitutsiya xalqimizning farovonligiga xizmat qiladi.

Aholining turmush darajasi yanada yaxshilanadi. Konstitutsiyamizda fuqarolarga anchagina yengilliklar kiritiladi.

Ma'ruza tugagach yig'ilish ishtirokchilariga so'z berildi va ishtirokchilar o'z faoliyatlari, jamiyatda yuz berayotgan voqea, hodisalarga hamohang tarzda o'z takliflarini bildirdilar.

MOHIGUL Rahimqulova

"Adolat" SDP Buxoro viloyat Kengashi matbuot kotibi