Talaba-yoshlar “Adolat”ni tanlamoqda

Bugungi talaba ertangi mutaxassis. Ular hayot yoʻlini hozirdan belgilaydi. Jumladan, siyosiy jarayonlarda faol ishtirok etish uchun biron bir partiya aʼzosi boʻlish lozimligini tushunib yetmoqdalar. “Adolat” SDP Andijon shahar kengashi tashabbusi bilan Andijon davlat universiteti axborot resurs markazida “Siyosiy–huquqiy bilimlarni mustahkamlash demokratik jamiyat poydevori” loyihasi doirasida oʻtkazilgan davra suhbati ayni shu maqsadga qaratildi.

Partiya faollari va huquqshunoslar talabalarga xorijiy davlatlar va Oʻzbekistondagi siyosiy hayot, amaldagi yilda qabul qilingan Konstitutsiyamiz, saylov qonunchiligi va siyosiy partiyalar faoliyati yuzasidan tushuncha berdilar. Har bir partiya oʻz maqsad va gʻoyalariga ega ekanligi koʻrsatib oʻtildi.

Janona Rahimova, “Adolat” SDP Andijon shahar kengashi raisi:

-Qonun ustuvorligi hamma vaqt dolzarb vazifa. Bu bizning faoliyatimizda keng oʻrin egallashi, huquqiy madaniyatni yuksaltirish yoʻlida olib borayotgan ishlarimiz ishtirokchilarda qiziqish uygʻotdi. Maqsadimiz –yoshlarni oʻz safimizga jalb etish.

Tadbir oʻz samarasini koʻrsatdi. Andijon shahrida yashovchi talaba-yoshlar -Adhamjon Toshtemirov va Mohichehra Komilova “Adolat” SDPni tanlab, safimizga qoʻshildi.

“Adolat” SDP Andijon viloyat kengashi

Matbuot xizmati.