Talabalar Referendumga tayyor

Partiyaning Xorazm viloyat hamda Xiva tuman Kengashlari hamkorlikda “Maʼmun” universitetida tashkil etilgan “Konstitutsiyaviy islohotlar inson qadri uchun” shiori ostida oʻtkazilgan Referendum oldi targʻibot tadbir ham talabalarning konstitutsion faolligi bilan yuqori darajada tashkil etildi.Tadbirni partiya viloyat Kengashi matbuot kotibi Zamira Abdullayeva kirish soʻzi bilan ochib berdi va olib bordi.Yangilanayotgan Konstitutsiyasida hamda Referendumda ovoz berish jarayonlari toʻgʻrisidagi viktorina savol -javoblar, fikr va mulohazalar, sheʼr va qoʻshiqlar, jozibador kuy- qoʻshiqlar oʻrin olgan tadbir talabalarning Referendumda faol ishtirok etishlari uchun xizmat qiladi.

Ayniqsa, ishtirokchi yoshlarning Bosh Qonunimizga boʻlgan qiziqishlari, Vatanni sevish, tinchligimizni qadriga yetish, Referendumda yangilanayotgan Konstitutsiyamizni qoʻllab-quvvatlab ovoz berishlari bilan bir qatorda, Bosh Qonunimizni hayotga tatbiq etishda bor kuch-gʻayratlarini, imkoniyat va isteʼdodlarini safarbar etish toʻgʻrisidagi munosabatlari ishtirokchilar diqqat markazidan joy oldi.

Bir soʻz bilan aytganda, partiyamiz tomonidan amalga oshirilgan bu kabi tadbirlar yoshlarni Vatanni sevish, siyosiy jarayonlarga befarq boʻlmaslikka undaydi.

Shukuroy Madaminova,

“Adolat” SDP Xiva tuman Kengashi raisi.