Targʻibot-tashviqot ishlari qizgʻin pallada

Joriy yilning 26-aprel kuni Oʻzbekiston “Adolat” SDP Qoraqalpogʻiston Respublikasi Kengashi tomonidan Nukus davlat pedagogika institutida “Adolatli jamiyat uchun ovoz beramiz!” shiori ostida targʻibot tadbiri oʻtkazildi.

Tadbirda ishtirok etgan ushbu taʼlim muassasasi talaba yoshlariga partiya ayollar va yoshlar qanoti aʼzolari hamda partiya volontyorlari tomonidan targʻibot vositalari tarqatilib, yangi Konstitutsiyaga oid jonli muloqot va savol-javoblar oʻtkazildi.

Shundan soʻng, yangi Konstitutsiyaning 79-moddasi belgilangan yaʼni, Davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishi hamda ularning taʼlim olishga, sogʻligʻini saqlashga, uy-joyga, bandlik va dam olishga boʻlgan huquqlari toʻgʻrisida atroflicha maʼlumot berildi.

Bugungi oʻtkazilgan targʻibot tadbiri davomida taʼlim muassasasidagi oʻquvchi yoshlar oʻzlarining qiziqtirgan savollariga javoblar olib, tadbir koʻtarinki kayfiyat bilan kuy-qoʻshiqlarga ulanib ketdi.

Oʻzbekiston “Adolat” SDP
Qoraqalpogʻiston Respublikasi
Kengashi matbuot xizmati