Tashviqot-targʻibot ishlari davom etmoqda

“Yangi tahrirdagi Konstitutsiya Oʻzbekiston taraqqiyotidan kelib chiqayotgan hayotiy zarurat boʻlib, bu ish mamlakat, millat va xalq sifatida keyingi qadamlarimizni aniqlab olishimiz uchun gʻoyat ahamiyatli masala, adolatli jamiyat qurish yoʻlidagi ulkan qadam hisoblanadi”. Darhaqiqat, bugun joylarda tashkil etilayotgan barcha targʻibot tadbirlarining ham mavzulari Konstitutsiyamizning yangi tahriri va undagi inson manfaatlari yoʻlida ishlangan qonuniy normalar boʻlmoqda.

Bu galgi uchrashuv tumanning “Bogʻonali”,“ Yuqori Bogʻonali”, “Toʻrtaygʻir”,“ Paxtachi” mahallalariga qarashli 27-son oilaviy poliklinika va oilaviy shifokorlik punktida davom etdi.

Unda Oliy Majlis Qonunchilik palatasi deputati Muzaffara Abdiyeva, Xalq deputatlari Pastdargʻom tuman Kengashi deputati F. Toʻrayev, bilan birgalikda “Adolat” SDP tuman kengashi raisi X. Hayitovalar yangi tahrirdagi Konstitutsiya loyihasiga kiritilayotgan konseptual oʻzgarishlar va undagi inson qadri, fuqarolarning huquqlari va qonuniy manfaatlari davlat tomonidan kafolatlanishi haqida atroflicha maʼlumot berishdi.

Shuningdek, mahalladagi ayrim fuqarolarni qiynayotgan muammolari yuzasidan murojaatlari tinglandi hamda mutasaddilar bilan yechim topish masalasida kelishib olindi.

Quyosh Haqberdiyev,
Xalq deputatlari Pastdargʻom tuman Kengashi
deputati.