Tibbiyot muassasasida targʻibot tadbiri oʻtkazildi

Oʻzbekiston “Adolat” SDP Qoraoʻzak tuman Kengashi tomonidan tuman Tibbiyot birlashmasida “Referendum – 2023: Kelajaging uchun ovoz ber!” shiori ostida targʻibot tadbiri oʻtkazildi.

Tadbirda partiya tuman Kengashi raisi S.Daushbaeva va tibbiyot muassasasi xodimlari ishtirok etishdi.

Tadbir davomida soʻzga chiquvchilar tibbiyot sohasi vakillariga yangi tahrirdagi Oʻzbekiston Respublikasi Konstitutsiyasining 48-moddasida keltirilgan sogʻligʻini saqlash, malakali tibbiy xizmat koʻrsatish, tibbiy sugʻurta va aholining sanitariya-epidemiologik osoyishtaligini taʼminlash hamda sogʻlom turmush tarzini shakllantirishga qaratilgan muhim oʻzgarishlar bilan keng tanishtirdi.

Oʻz oʻrnida xalqimizning farovon hayotini taʼminlovchi asosiy poydevori yaʼni, yangilanayotgan Konstitutsiyaviy qonun loyihasida tibbiyot sohasiga alohida eʼtibor qaratilayotganligi soha vakillari tomonidan iliq kutib olinib, uchrashuv fikr va mulohazalar hamda savol-javoblarga boy boʻldi.

Tadbir yakunida ishtirokchilar oʻzlarining qiziqtirgan savollariga javoblar olishib, bugungi amalga oshirilayotgan keng qamrovli islohotlarimizda jamiyatimiz ayollarning yanada faol ishtirokini taʼminlash hamda ularning huquq va qonuniy manfaatlarini himoya qilishda yangilanayotgan Konstitutsiyaviy qonun loyihasi bosh omil boʻlib xizmat qilishi shubhasiz.

Sayimova SARSENGUL,
Xalq deputatlari Qoraoʻzak tumani Kengashi deputati