Tinch va osuda hayotimiz kafolati

Ayni kunlarda mamlakatmizda muhim siyosiy jarayon-joriy yilning 30-aprel kuni oʻtkaziladigan referendumga tayyorgarlik koʻrilmoqda. Shu munosabat bilan jamoatchilik orasida olib borilayotgan targʻibot tadbirlari fuqarolarning bu boradagi siyosiy bilimlarini oshirishga qaratilgan. Xuddi shunday tadbirlardan biri Buxoro viloyatida joylashgan 28808-sonli harbiy qismda boʻlib oʻtdi.

Davra suhbatida Oliy Majlis Qonunchilik Palatasi deputati T.Choriev va harbiylar ishtirok etishdi.

Uchrashuvda Oliy Majlis Qonunchilik Palatasi deputati T.Choriyev tomonidan ishtirokchilarga davlatimiz va xalqimiz hayotida Konstitutsiyaviy islohotlarni umumxalq referendumi orqali amalga oshirilishi bilan bogʻliq katta siyosiy voqea boʻlib oʻtishi, referendum jarayonlarida har bir fuqaroning shaxsan oʻzi ishtirok etishi orqali oʻz siyosiy irodasini namoyon qilishi hamda referendum oʻtkazish tartiblari haqida tushuntirishlar berildi.

Shuningdek, deputatimiz maʼruzasi davomida yangi tahrirdagi Konstitutsiya Oʻzbekiston jamiyatining rivojlanishidan kelib chiqayotgan hayotiy zarurat boʻlib, bu ish mamlakat, millat va xalq sifatida keyingi qadamlarimizni aniqlab olishimiz uchun gʻoyat ahamiyatli masala ekanligi hamda adolatli jamiyat qurish yoʻlidagi ulkan qadamligini aytib oʻtdi.

Bunday xalq demokratiyasining konstitutsiyaviy asoslari qabul qilinishi uchun barchamiz 30-aprel kuni boʻlib oʻtadigan referendumda faol ishtirok etishimiz lozim taʼkidlandi.

Mohigul Rahimqulova
“Adolat “ SDP Buxoro viloyat Kengashi
matbuot kotibi.