Tinchlik –bebaho neʼmat

Oltiariq tumanidagi 7-umumiy oʻrta taʼlim maktabida “Adolat” SDP tuman Kengashi raisi Alijon Hamdamov boshchiligida “Ayollar qanoti”, “Yosh adolatchilar” qanoti raislari, maktab oʻqituvchilari va ota –onalar ishtirokida “Tinchlik va osoyishtalik — eng oliy neʼmat” mavzusida maʼnaviy –maʼrifiy tadbir oʻtkazildi.

Hayotda yashar ekanmiz, har birimiz uchun eng buyuk neʼmat bu — tinchlik-osoyishtalik va xotirjamlik boʻlib qolaveradi. Bejiz bobo-yu –momolarimiz bir kun janjal chiqqan joydan 40 kun baraka ketadi, deb aytishmagan. Oʻz tinchligini atigi bir kungina yoʻqotgan oila ham, mamlakat ham tinch va xotirjam boʻla olmaydi. Zero, ana shu bebaho tinchlik-xotirjamlik – mamlakat taraqqiyotining garovidir.

Dunyoning turli mamlakatlari, turli qitʼalarida sodir boʻlayotgan urushlar, xunrezliklar har birimizni ogohlikka va hushyorlikka chorlashi va yurtdagi tinchlik uchun shukronalar qilishga davlat etadi. Bugungimiz va ertangi kunimizning ravnaqi uchun ham muqaddas tinchligimizni koʻz qorachigʻiday asrab-avaylashga undaydi.

Buning uchun albatta har birimiz farzandlarimizni turli yot gʻoyalardan asrashimiz, internet tizimi orqali kirib kelayotgan mafkuraviy tahdidlardan himoya qilishimiz zarur,- deydi “Adolat” SDP Fargʻona viloyat Kengashi raisi Alijon Hamdamov.

Maʼnaviy maʼrifiy tadbir davomida pedagoglar jamoasi, “Adolat” SDP tuman partiya Kengashi va ota –onalar hamkorligida kelgusidagi hamkorlik rejalar belgilab olindi.

“Adolat” SDP Fargʻona viloyat Kengashi Matbuot xizmati.