Tinchlik, farovonlik va taraqqiyot yoʻlida birlashaylik!

“Adolat” SDP Fargʻona shahar Kengashi tashabbusi bilan partiyaning “Tinchlik, farovonlik va taraqqiyot yoʻlida birlashaylik!” loyihasi doirasida Fargʻona shahridagi 33-umumtaʼlim maktabda shahar imom xatiblari, huquqni muhofaza qilish idoralari vakillari, “Beshbola” MFY mahalla aholisi va oʻquvchilarning ota-onalari ishtirokida maʼnaviy maʼrifiy tadbir tashkil etildi.  

Tadbirda har birimiz uchun makon boʻlgan ona Vatanimizning tinchligini asrash, oʻsib kelayotgan yoshlarni diniy ekstremizmning yot gʻoyalari taʼsiridan himoya qilish, internet tarmogʻidan samarali foydalanish, milliy qadriyat va anʼanalarimizni yoshlar tafakkuriga chuqurroq singdirish kabi ezgu maqsadlar haqida soʻz yuritildi. 

42 nafar pedagog faoliyat olib borayotgan mazkur maktabda bugungi kunda 758 nafar uquvchi taʼlim olmoqda. Davlatimiz tomonidan taʼlim sifatini oshirish, yoshlarni bugungidan-da baxtli saodatli boʻlib kamol topishlariga koʻmaklashish uchun keng koʻlamli islohotlar olib borilayotgan bir davrda, barchamiz jipslashgan holda bu masalaga ham katta eʼtibor qaratishimiz joiz.

Tadbir davomida bugungi kun uchun muhim vazifalar yuzasidan fikr mulohazalar almashildi.

“Adolat” SDP

Farg’ona viloyat kengashi Matbuot xizmati.