“Turkiy adabiyot durdonalari” kitoblarining taqdimot marosimi

Fargʻona shahridagi “Ahmad Fargʻoniy” nomidagi viloyat axborot-kutubxona markazi faollar zalida Axborot va ommaviy kommunikatsiyalar agentligi hamda Oʻzbekiston Milliy kutubxonasi tomonidan viloyatdagi axborot-kutubxona markazlari uchun sovgʻa qilingan “Turkiy adabiyot durdonalari” kitoblarining taqdimot marosimi boʻlib oʻtdi.

Taqdimotda viloyat Axborot va ommaviy kommunikatsiyalar boshqarmasi boshligʻi Ibrohimjon Xalimbekov, viloyat axborot-kutubxona markazi rahbari Husniyaxon Shermatova hamda barcha shahar va tuman axborot-kutubxona markazlari rahbarlari ishtirok etdilar.

Tadbirda soʻz olganlar kitobning inson hayotidagi oʻrni, jamiyatda mutolaa, insonlar ongida esa kitobxonlik madaniyatini yanada oshirish haqida toʻxtaldilar.

Maʼlumki, Prezident Shavkat Mirziyoyev Turkiy asarlar ilk marta lotin yozuviga asoslangan oʻzbek alifbosida-ona tilida chop etilishi tashabbusini ilgari surganlaridan keyin, 100 jildlik “Turkiy adabiyotlar durdonalari” toʻplami nashrdan chiqdi.

Mazkur keng koʻlamli, zalvorli badiiy silsilaga umumturkiy adabiyotining eng yetuk namunalari, Oʻzbekiston, Turkiya, Qozogʻiston, Qirgʻiziston, Ozarbayjon, Turkmaniston va Vengriya davlatlarining atoqli shoir, adib va mutafakkirlarining asarlari kiritilgan.

Shu kuni “Turkiy adabiyotlar durdonalari” toʻplami viloyatdagi har bir shahar-tuman axborot-kutubxona markazlari uchun 170 nomda va 470 nusxada tantanali topshirildi.

“Adolat” SDP

Farg’ona viloyat kengashi Matbuot xizmati.