“Uch yuz gʻazal” devoni taqdimotiga bagʻishlangan adabiy kecha boʻlib oʻtdi

"Adolat" SDP Toyloq tuman Kengashidan Xalq deputatlari viloyat Kengashi deputati Dilafruz Ulugboyeva tashabbusi bilan tumandagi 22-maktabda shoir Abdulla Nisoriyning “Uch yuz gʻazal” devoni taqdimotiga bagʻishlangan adabiy kecha boʻlib oʻtdi.

Tadbirni maktab direktori, viloyat kengashi deputati D.Ulugʻboyeva kirish soʻzi bilan ochib berdi. Oʻqituvchilar, oʻquvchilar, ota-onalar va boshqa taklif etilganlar A.Nisoriy ijodiga yoshlarda qiziqish katta ekanligini taʼkidladi.

Shundan soʻng jonkuyar boshlangʻich taʼlim oʻqituvchisi G.Ergasheva rahbarligidagi 4-B sinf oʻquvchilari tomonidan shoir hayoti va ijodiga doir maʼlumotlar videoroliklar yordamda namoyish etildi.

Ular Nisoriyning turli sheʼriy toʻplamlaridan olingan nazmiy bitiklarni mahorat bilan ijro etishdi. Tadbir soʻngida shoir oʻquvchilarni qiziqtirgan savollarga javob qaytardi. U tadbirning faol qatnashchilariga kitoblaridan sovgʻa qildi. Tadbirda Respublika maʼnaviyat va maʼrifat markazi tuman boʻlinmasi yetakchi mutaxassisi hamda Tuman XTB masʼul vakillari ham qatnashib yigʻilganlarga milliy adabiyotimiz va uning yetishib kelayotgan yoshlarimiz kamolidagi ahamiyati borasida qator maʼlumotlarni berib oʻtdilar.