Urganch Xalqaro aeroportida tashkil etilgan tadbir ishtirokchilarni yangilanayotgan Konstitutsiyamizga boʻlgan qiziqishini oshirishga xizmat qildi

Maʼlumki, mamlakatimiz boʻylab tarixiy ahamiyatga ga siyosiy jarayon- Oʻzbekiston Respublikasi Konstitutsiyasiga oʻzgartirish va qoʻshimchalar kiritilayotgani munosabati bilan tashkil etilayotgan targʻibot tadbirlar samaradorligi bilan qizgʻin pallaga kirib bormoqda. Bu borada “Adolat” SDP Xorazm viloyat Kengashi tomonidan oʻtkazilayotgan tadbirlar yurtdoshlarimizning konstitutsion faolligini oshirish bilan bir qatorda partiyamizning nufuzini keng omma orasida oshib borishida ham xizmat qilmoqda.Bugun partiyaning Xorazm viloyat hamda Urganch shahar Kengashlari hamkorligida Urganch Xalqaro Aeroportida “Konstitutsiyaviy islohotlar-inson qadri uchun” shiori ostida tashkil etilgan targʻibot tadbiri ham ishtirokchilarga konstitutsiyaviy koʻtarinkilik bagʻishladi.Tadbirda soʻzga chiqqan partiya faollari yangi tahrirdagi Konstitutsiyamizning mazmun va mohiyati, uning kelajagimiz va farovon hayotimizdagi muhim oʻrni, yangi kiritilgan normalar xususida soʻz yuritishdi.

Taʼkidlanganidek, Oʻzbekiston jamiyatining evolyutsion rivojlanishidan kelib chiqayotgan hayotiy zaruriyat boʻlib, bu ish mamlakat, millat va xalq sifatida keyingi qadamlarimizni aniqlab olishimiz uchun gʻoyat ahamiyatli masala, adolatli jamiyat qurish yoʻlidagi ulkan qadamdir. mamlakatimiz har jihatdan katta davlatga aylanmoqda. Tahlillarga koʻra, aholimiz 2040-yilga borib, 50 millionga yetadi, jamiyatning yarmidan koʻpini yoshlar tashkil qiladi. Ularga munosib hayot sharoit yaratish uchun esa barqaror iqtisodiyot, xavfsiz davlat, samarali boshqaruv, ijtimoiy kafolatlar boʻlishi lozim. Bular va boshqa koʻpdan-koʻp muammolar yechimi mustahkam huquqiy poydevorni – Oʻzbekistonning yangi tahrirdagi Konstitutsiyasini taqozo etadi. Bir narsani alohida aytish kerakki, Konstitutsiyaning bu matni olim-u mutaxassislar tomonidan faqat kabinetlarda yaratilmadi. Balki, dastavval ikki bosqichda xalqimizning fikri, takliflari oʻrganildi, shundan soʻnggina Konstitutsiya loyihasi tayyorlandi. Avvallari Konstitutsiya qabul qilishda dastlab loyiha ishlab chiqilib, keyin xalq muhokamasiga qoʻyilar edi. Yangilanayotgan Konstitutsiya xalqimizning xohish-irodasi ifodasiga aylanib, bevosita xalqimiz tomonidan qabul qilinib, toʻgʻridan-toʻgʻri amalga kiritiladigan birinchi hujjat toʻgʻrisidagi fikr va mulohazalar ishtirokchilarning diqqat markazidan joy oldi.

Shohrux Yoʻldoshev, tadbir ishtirokchisi: Ertalabdan mehmon kutish uchun Urganch xalqaro Aeroportiga borgandim, turli shiorlar aks etgan bayroq va pouklar bilan shakllantirilgan maydon diqqatimni tortdi. Bir zumda maydon odamlar bilan gavjum boʻldi. Faollarning yangilanayotgan Konstitutsiyamiz toʻgʻrisidagi fikr va mulohazalari, yangi kiritilgan normalar toʻgʻrisidagi tushunchalar ishtirokchilarning qiziqishini oshirgani, ularning yuz koʻzidan, tabassumidan koʻrinib turar edi. Ishtirokchilardagi shukronalik, sanʼatkorlarning kuy qoʻshiqlariga raqsga tushib ketganlarida ham yaqqol namoyon boʻldi va baralla referendumda faol ishtirok etamiz deganlarida butun vujudim toʻlqinlanib, yurtimga, yashayotgan hayotimizga boʻlgan mehrim yanada joʻsh urdi. Insonlari qadr topgan yurtimiz omon boʻlsin.Tadbir sanʼatkorlarning “Vatan”, “Oʻzbekiston” nomli qoʻshiqlari, ishtirokchilarning jozibador raqslari hamda ularning yurtimizga boʻlgan iliq munosabatlari, fikr va mulohazalari bilan yanada faollashdi.Bir soʻz bilan aytganda, partiyamiz tomonidan tashkil etilayotgan bu kabi targʻibot tadbirlari, yurtdoshlarimizning konstitutsiyaviy faolligini oshirish bilan bir qatorda, yangilanayotgan bosh Qonunimizning xalqimizga munosib xizmat qilishida ahamiyatlidir.

 Zamira Abdullaeva,

 “Adolat” SDP Xorazm viloyat Kengashi matbuot kotibi.