Urganchliklar referendumda faol ishtirok etishadi

Ma’lumki, O‘zbekiston Respublikasi Konstitutsiyasiga o‘zgartirish va qo‘shimchalar kiritilayotgani munosabati bilan tashkil etilayotgan targ‘ibot tadbirlari ayni qizg‘in pallaga kirib bormoqda. Partiyaning Xorazm viloyat hamda Urganch shahar Kengashlari hamkorligida Urganch shahridagi “Amir Temur” istirohat bog‘ida “Konstitutsiyaviy islohotlar-inson qadri uchun” shiori ostida tashkil etilgan targ‘ibot tadbiri ishtirokchilarni konstitutsiyaviy bilim va ko‘nikmalarini oshirishga hizmat qildi.Tadbirda so‘zga chiqqan partiya faollari yangi tahrirdagi Konstitutsiyamizning mazmun va mohiyati, uning kelajagimiz va farovon hayotimizdagi muhim o‘rni, yangi kiritilgan normalar to‘g‘risidagi tushinchalari ishtirokchilarning diqqat markazidan joy oldi.

Ta’kidlanganidek, yangilanayotgan Konstitutsiya xalqimizning xohish-irodasi ifodasiga aylanib, bevosita xalqimiz tomonidan qabul qilinib, to‘g‘ridan-to‘g‘ri amalga kiritiladigan birinchi xujjat hisoblanadi. Yangilanayotgan Konstitutsiyada 128ta modda 155 taga ko‘payib, Bosh Qonunimiz 65 foizga yangilangani, inson huquqlarini mustahkamlash 3 barovarga oshirilgani, yangilanayotgan Konstitutsiya loyihasiga halqimizdan 220 ming ta taliflar kelib tushgani, har to‘rttala taklifdan bittasi loyihaga kiritilgani kabi normalar ishtirokchilar e’tiboriga havola etildi.

Azizbek Shavkatov, tadbir ishtirokchisi:

– “Adolat” SDP tomonidan yangilangan Konstitutsiyamizga bag‘ishlanan tadbir tashkil etilayotgani to‘g‘risidagi habarni eshitib, tengdoshlarimiz bilan tadbirga ishtirok etdik. Xaqiqatan ham juda chiroyli tadbir bo‘ldi. Partiya faollari yangilanayotgan Konstitutsiyamiz to‘g‘risida ma’lumotlar berdilar. Bosh Qomusimiz to‘g‘risidagi bilimlarimizni yanada boyitdik. Tadbirda madaniy dam ham oldik. Olgan taassurotlarimiz 30 aprel kuni referendumda faol ishtirok etishimizga undadi. Tadbir san’atkorlarning “Vatan”, “O‘zbekiston” nomli qo‘shiqlari, ishtirokchilarning jozibador raqslari hamda ularning yurtimizga bo‘lgan iliq munosabatlari, fikr va mulohazalari bilan yanada faollashdi.Viktorina savollariga javob bergan ishtirokchilar partiyaning esdalik sovg‘alari bilan taqdirlandilar.

Bir so‘z bilan aytganda, partiyamiz tomonidan tashkil etilayotgan bu kabi targ‘ibot tadbirlari, yurtdoshlarimizning konstitutsiyaviy faolligini oshirish bilan bir qatorda, yangilanayotgan bosh Qonunimizning xalqimizga munosib xizmat qilishida ahamiyatlidir.

Zamira Abdullaeva,

“Adolat” SDP Xorazm viloyat Kengashi matbuot kotibi.