Uyma-uy yurish orqali aholi muammolari oʻrganilmoqda

Davlatimiz rahbari tomonidan hududlardagi ijtimoiy muammolarni “mahallabay” tartibda hal qilish boʻyicha belgilab berilgan vazifalarning ijrosini taʼminlash maqsadida Zangiota tumanida mahalla kesimida ularning asosiy muammolarini oʻrganish, aniqlangan muammolarni hal etish maqsadida deputatlar tuman tashkilotlari xodimlaridan iborat ishchi guruhlar faoliyat olib bormoqdalar. Aholini qiynayotgan muammolar xalq ichiga chuqur kirib borilgandagina yaxshi bilinadi. Aytish joizki, eng chekka, eng olis hududlarga chiqqan holda, uyma-uy yurib, aholi muammolarini oʻrganilayotgani ham amaliy samarasini bermoqda.

“Adolat” SDP Xalq deputatlari Zangiota tumani Kengash deputati Nigora Xalxadjayeva tashabbusi bilan tuman “Bogʻzor” mahallasi fuqarolari bilan uchrashuv oʻtkazildi. Deputat uchrashuvi davomida bir nechta xonadonlarga kirib, ularning muammolarini oʻrgandi. Jumladan, mazkur mahallada istiqomat qiladigan fuqarolar A. Abzalov hamda T. Ganiyevalar sogʻligʻini tiklash uchun moddiy yordam berishlarini soʻrab murojaat qildi. Deputat ushbu muammoni oʻrganib chiqib, tegishli tashkilotlar orqali hal qilinishini bildirdi.

Tuman deputati mahallaning boshqa xonadonlarda ham boʻlib, aholining yashash tarzi bilan qiziqdi. Mutasaddilar bilan birgalikda uyma-uy yurib aholining muammolarini oʻrgandilar, aholi bilan dildan suhbat qurildi. Aholi bilan uchrashuvlar va ularni qiynayotgan muammolar oʻrganilib, tegishli tashkilot rahbarlari va mutaxassislar koʻz oʻngida yuzma-yuz muhokama etilmoqda.Xalq vakilining uchrashuvlari joylarda davom etmoqda.

 “Adolat” SDP Toshkent viloyati Kengashi Matbuot xizmati.