Vatan madhi dillarimizda

Fargʻona viloyatining togʻ yon bagʻirlarida joylashgan Soʻx tumani oʻzining betakror tabiati bilan insonlarga zavq bagʻishlaydi. Soʻx bolalar oromgohida yozgi taʼtilni maroqli oʻtkazayotgan yoshlar uchun har kuni turli maʼnaviy maʼrifiy tadbirlar tashkil etish anʼanaga aylanib qolgan.    

Hazrati Ali MFY beshligi oromgohda boʻlib, “Oila – mahalla – taʼlim muassasasi” hamkorligi asosida navbatdagi tadbirni tashkil etdilar. Tadbir davomida  “Adolat” SDP tuman Kengashi ayollar qanoti raisi Bibiayon Nuriddinova va tuman kengashi deputati Subxonali Nishonovlar mamlakatimiz mustaqilligining 32 yilligi bayrami munosabati bilan yurtimizda amalga oshirilgan keng islohotlar, yosh avlodning maʼnan va ruhan, jismonan sogʻlom kamol topishi yoʻlida yaratilayotgan imkoniyatlar, sport va taʼlim yoʻnalishlarida yoshlar erishayotgan yutuqlar haqida soʻz yuritdilar.

Bu kabi samimiy suhbatlar albatta yoshlarga vatanga sadoqat ruhida kamol topishiga xizmat qiladi. Oʻz navbatida yoshlar ham tinchlik, ona vatanni tarannum etuvchi sheʼr va qoʻshiqlari, goʻzal raqslar bilan barchani xushnud etdilar.

  “Adolat” SDP Fargʻona viloyat Kengashi matbuot kotibi.