Xalq dardi uchun yonib yashash kerak

Mahalla — Vatan ichra kichik Vatandir. Uning obodligi, goʻzalligi va koʻrkamligi uchun jon koyitish har bir kishining muqaddas burchi hisoblanadi. Gohida baʼzi odamlarning oʻzi yashab turgan mahalladagi ahvoldan ranjib gapirganini eshitib qolaman. Aslida nolish kerak yemas, shu mahallaga oʻzim nima hissa qoʻshdim, deb oʻylab koʻrishi kerak. Agar mahallada hamjihatlik boʻlsa, obodlik va koʻrkamlikka hissa qoʻshuvchilar safi koʻpaysa, albatta, ushbu goʻsha gʻururlanishga arzirli maskanga aylanadi.

Xudda shunaqa maqtovlarga arzigulik mahalla fuqarolari yigʻini, yaʼni Qoʻshchinor mahallasida oʻtkazilgan yigʻilish ham aynan fuqarolarning muammolariga yechim topish ularni qiynab kelayotgan masalalar yuzasidan tashkil etildi. Yigʻilishda ishtirok etgan mahalla faollari, mahalla raisi hamda “Adolat” SDP Samarqand viloyat kengashi deputatlari, bugungi kundagi islohotlar, har bir mahalla uchun koʻrsatilayotgan yordamlar va imkoniyatlar haqida atroflicha maʼruzalar qilishdi. Uchrashuvda ushbu mahallada istiqomat qiluvchi bir qator fuqarolar muammolari eshitildi va amaliy koʻmak berish maqsadida, kerakli tashkilotlarga deputatlik soʻrovlari yuborildi.

Yigʻilish davomida oʻz savollariga javob, muammolariga yechim topgan fuqarolarning quvonchini koʻzlaridan ham bilsa boʻladi. Bugun deputatlar oʻz okrugi, undagi fuqarolar dard-u tashvishiga befarq emas, zero, aynan xalq va uning dardi uchun kuyib, yonib yashash — deputatlar zimmasidagi sharafli masʼuliyatdir.

Muhiba Bababekova,
Xalq deputatlari Samarqand shahar Kengashi deputati.